SQO-da qaterli isikke shaldyqqandardyń quqyǵy buzylyp kelgen

<p>PETROPAVL. KAZINFORM &ndash; Soltústik Qazaqstan oblysynyń prokýrorlary densaýlyq saqtaý salasyna taldaý júrgizip, óreskel zań buzýshylyqqa jol berilgenin anyqtady.</p>

Máselen, onkologııalyq dertke shaldyqqandardyń quqyǵy buzylǵan. SQO prokýratýrasynyń málimetinshe, medıtsınalyq uıymdar Áleýmettik kodekstiń talaptaryna qaıshy, múgedektikti anyqtaý úshin osy sanattaǵy 100-den astam azamatty medıtsınalyq-áleýmettik saraptamaǵa jibermegen. 

Qadaǵalaý organynyń aktisinen keıin bul azamattarǵa múgedektik belgilendi, endi olardyń áleýmettik qoldaýdyń barlyq tıisti túrlerin paıdalanyp, memlekettik áleýmettik járdemaqy alýǵa múmkindigi bar. 

Zań buzǵany úshin 2 laýazymdy tulǵa jaýapkershilikke tartyldy. 

Buǵan deıin memlekettik eńbek ınspektorlary 28,7 myńnan astam jumysshynyń eńbekaqysyn alyp bergenin jazǵan edik.