SQO-da qarǵyn sýdy aǵyzý úshin eki avtojol buzyldy

<p>PETROPAVL. KAZINFORM &ndash; Soltústik Qazaqstan oblysynda &nbsp;bir táýlikte avtomobıl joldarynyń 30 ýchaskesin sý shaıyp ketti. Taǵy eki ýchaskeni tasqyn sýdy ótkizý úshin qoldan buzýǵa týra keldi.&nbsp;</p>

SQO Tótenshe jaǵdaılar departamenti bastyǵynyń orynbasary Murat Qanǵojınovtyń aıtýynsha, sý basqan joldardyń jıyrmasynda ǵana qazirgi kezde kólik júrip jatyr. Onyń altaýy oblystyq, qalǵany aýdandyq mańyzdaǵy joldar. 

Qazirgi ýaqytta Ýálıhanov aýdanynyń Qaratal, Bereke aýyldaryna jol joq. 

Taıynsha aýdanyndaǵy oblystyq mańyzy bar «Taıynsha-Kellerovka» avtojolyn buzyp, sýdyń ótýine jaǵdaı jasaldy. Kellerovka men Taıynsha qalasynyń ara qashyqtyǵy – 35 km. Balama jol bar, ol Alekseevka eldi mekeni arqyly ótedi, ara qashyqtyq – 87 km. 

Sondaı-aq aýdandyq mańyzdaǵy «Kellerovka-ıÝjnaıa» joly da qoldan buzylyp, qarǵyn sýǵa jol ashyldy. Eldi mekenge baılanys joq. Buǵan deıin Sergeev sý qoımasynyń 94%-y tolǵanyn habarlaǵan edik.

Sonymen qatar SQO-ǵa Túrkistan oblysynan sý tasqynymen kúreske kómektesýge kelgen qutqarýshynyń kenetten qaıtys bolǵanyn jazdyq.