SQO-da karantındik shekteý jeńildetiledi

PETROPAVL. QazAqparat – Soltústik Qazaqstan oblysynyń 28 qyrkúıekten bastap karantındik shekteý sharalary jeńildetiledi, dep habarlaıdy QazAqparat tilshisi.

Epıdemıologııalyq jaǵdaıdy baǵalaý matrıtsasyna sáıkes, oblys qyrkúıek aıynyń basynan «sary» aımaqta ornalasqan. Osyǵan baılanysty SQO ákimdigi janyndaǵy koronavırýstyq ınfektsııanyń paıda bolýy men taralýyna jol bermeý jónindegi óńirlik komıssııanyń sheshimi negizinde 28 qyrkúıekten bastap óńirde birqatar jeńildik engizilmek:

1) saýda-oıyn-saýyq ortalyqtaryna, saýda úılerine, saýnalarǵa, SPA ortalyqtaryna, basseınderge, sport keshenderine, fıtnes ortalyqtaryna senbi jáne jeksenbide jumys isteýge ruqsat berildi;

2) dinı nysandarda bir adam keminde 4 sharshy metr alańmen qamtamasyz etilgende, syıymdylyǵyn 30 %-dan asyrmaı jabyq úı-jaılarda ujymdyq is-sharalar ótkizýge ruqsat etildi;

3) 30 adamnan asyrmaı jeke, toptyq daıyndyqtar úshin mádenıet nysandarynyń jumys isteýine ruqsat;

4) sporttyq is-sharalardy zal tolymdylyǵyn 15 %-dan aspaıtyn mólsherde, teatrlardyń, kınoteatrlardyń, kontsert zaldarynyń otyratyn oryndar sanyn 20 %-dan asyrmaı ótkizýge ruqsat berildi;

5) qyzmetkerlerdiń keminde 50 %-yn qashyqtyqtan jumys nysanyna aýystyrý, qyzmetkerleri COVID-19-ǵa qarsy vaktsınatsııalaýdan ótken jaǵdaıda uıymdar, ofıster paıyzdyq ara qatynas boıynsha talaptardy esepke almaı qyzmetin júzege asyrady.

6) qoǵamdyq tamaqtaný nysandarynyń jumys ýaqytyn saǵat 24.00-ge deıin uzartýǵa, kelýshiler sanyn 50 %-dan jáne 50 orynnan asyrmaı jumys isteýge ruqsat etildi.

Sondaı-aq, COVID-19-ǵa qarsy vaktsına almaǵan (sońǵy 3 aı ishinde turaqty medıtsınalyq qarsy kórsetilimderi bar jáne COVID-19-ben aýyryp jazylǵan adamdardy qospaǵanda) ónerkásiptik, aýyl sharýashylyǵy kásiporyndarynyń qyzmetkerleri úshin kúndizgi rejımde jumysqa jiberýge shekteý engiziledi.

Al «Ashyq» jobasyna qatysatyn áleýmettik-ekonomıkalyq nysandar kelýshilerdiń «jasyl» mártebesi bolǵan jaǵdaıda:

a) Banketter, úılený toılary, mereıtoılardy tolymdylyǵyn 50 %-dan jáne adam sanyn 70-ten asyrmaı ótkizýge;

b) Adamdar kóp jınalatyn konferentsııalar, forýmdar, oıyn-saýyq jáne ózge de is-sharalardy tolymdylyǵyn 50 %-dan jáne adam sanyn 70-ten asyrmaı ótkizýge;

v) Kórmelerdi tolymdylyǵyn 70%-dan jáne bir ýaqytta 300 kelýshiden asyrmaı ótkizýge;

g) Kórermendermen sporttyq is-sharalardy tolymdylyǵy 70%-dan asyrmaı ótkizýge;

d) sport keshenderi, sporttyq-saýyqtyrý ortalyqtarynda jattyǵýlardy tolymdylyǵyn 30%-dan artyq emes ótkizýge;

e) dinı nysandarda tolymdylyǵyn 30 %-dan asyrmaı is-sharalardy ótkizýge ruqsat berildi.