SQO-da karantın talaptaryn buzǵandarǵa 46 mln teńgege jýyq aıyppul salyndy

PETROPAVL. QazAqparat – Soltústik Qazaqstan oblysynda monıtorıng toptar jyl basynan 3 myńnan astam reıd júrgizip, 21 myńǵa jýyq nysandy tekserispen qamtydy, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti basshysynyń orynbasary Tatıana Gorlovanyń aıtýynsha, óńirde sońǵy aptada koronavırýsty juqtyrý jaǵdaılary báseńdegen, 1117-den 759-ǵa deıin, ıaǵnı 32 %-ǵa azaıyp otyr. Desek te, oblys áli kúnge «qyzyl» aımaqta.

Karantındik jáne shekteý sharalarynyń saqtalýyn monıtorıngtik toptar baqylaýǵa alǵan. Qazir óńirde osyndaı 23 top bar. Olar jyl basynan osy kúnge deıin 3017 reıd ótkizgen, nátıjesinde 20 704 nysan tekserildi. 641 nysanda – 3,1 %-ynda sanıtarııalyq talaptardyń buzylǵandyǵy anyqtaldy.

«Jeke tulǵalardyń maska rejımin buzýy, buqaralyq is-sharalardy ótkizý, dezınfektsııalyq rejımdi saqtamaý, kelýshilerge maskasyz qyzmet kórsetý, nysandardyń jumys ýaqytyn saqtamaýy, ónimdi ashyq, oralmaǵan kúıinde satý – bul jıi anyqtalatyn faktiler. Іshki ister organdarynyń materıaldary jáne úılestirý ortalyqtarynyń habarlamasy negizinde 674 ákimshilik hattama toltyryldy. 45 mln 683 myń teńgeniń 642 aıyppuly salyndy. Zań aldynda jaýap bergenderdiń ekeýi – laýazymdy tulǵa, 6 – zańdy tulǵa, 30 – jeke kásipker, 604 – jeke tulǵa. 16 is sotqa joldandy», - deıdi Tatıana Gorlova.

Іs-sharalardy uıymdastyrǵan ákimgerlerge, jaýapty tulǵalarǵa - 42, toı ıelerine 20 aıyppul salyndy.