SQO-da qandaı áleýmettik jobalar qolǵa alynbaq

PETROPAVL. QazAqparat – Soltústik Qazaqstan oblysynda aldaǵy jyly iri pılottyq joba aıaqtalyp, medıtsına, sport, bilim berý salalarynda birneshe jańa joba qolǵa alynbaq, dep habarlaıdy QazAqparat tilshisi.

Óńirde aldaǵy jyly iske qosylatyn iri joba – kárizdik tazartý stansasy. Nysannyń qurylysy 2018 jyly bastaldy. Jabyq tıpti kárizdik tazartý nysany Qazaqstanda qolǵa alynǵan pılottyq joba. Onyń qorytyndysy boıynsha aldaǵy ýaqytta elimizdiń basqa qalalarynda osyndaı stansalar salynatyn bolady.

Sarqyndy sý kárizdik tazartý stansasynda tórt satylyq tazartýdan ótip, Esil ózenine quıylady. Jabyq bolǵandyqtan nysan qysta da jumys isteıdi. Qurylys aıaqtalǵannan keıin onyń paıdasyn 10 myńnan astam adam kórmek.

Memleket basshysynyń tapsyrmasyna sáıkes «Jaıly mektep» jobasy aıasynda keler jyldan bastap SQO-da 4 mekteptiń qurylysy bastalady. Onyń bireýi – 1200 oryndyq mektep «Kopaı» shaǵyn aýdanynda, 900 oryndyq Jas Órkende, 600 oryndyq bilim ordalary Orman men Bereke shaǵyn aýdandarynda salynady.

Mektepter jańa talaptar boıynsha boı kóteredi. ıAǵnı bir nysanda birneshe sport zaly jáne úlken ashana bolady.

Medıtsına salasyna keler bolsaq, Ýálıhanov aýdanynyń ortalyǵy Kishkenekólde jańa emhananyń qurylysy bastalady.

Pılottyq jobany júzege asyrý maqsatynda Aıyrtaý aýdanynyń Lobanovo eldi mekeninde dárigerlik ambýlatorııanyń qurylysy júrip jatyr. 2023 jyly osyndaı 4 emdeý mekemesiniń, 2 feldsherlik-akýsherlik pýnkttiń jáne bir medıtsınalyq pýnktiń qurylysy josparlanǵan.

Іri jobalardyń biri Petropavl qalasynda qolǵa alynady. Ol aýdany 33 myń sharshy metr bolatyn Sport saraıy. Osy maqsatqa 8,3 ga jer bólingen. Búginde jobasy daıyn.

Sport saraıynda 17 zal bolady. Al negizgi zalda 3124 adam sııatyn trıbýna ornalaspaq. Ol jerde halyqaralyq, respýblıkalyq sporttyq is-sharalardy ǵana emes, kontsertter men túrli oıyn-saýyq keshterin de uıymdastyrýǵa múmkindik týady.

Joba júzege asqan jaǵdaıda turaqty 200 jumys orny ashylady.