SQO-da ıt-mysyq esepke alynyp, chıp salynyp jatyr
SQO Veterınarııa basqarmasynyń málimetinshe, bıyl elimizde «Janýarlarǵa jaýapkershilikpen qaraý týraly» Zań kúshine endi. Onda janýarlardy asyraý qaǵıdalary jáne olarǵa adamgershilikpen qaraý talaptary rettelgen. Máselen, ıeleriniń úı janýarlarynyń ómiri men densaýlyǵyna jaýapkershiligi jáne olardy qatygezdikten qorǵaý kózdelgen. Sonymen qatar zań ıtterdiń bos júrýine tyıym salady. Al 2023 jyldyń 1 qyrkúıeginen úı janýarlaryn tirkeý mindettelmek.
Osyǵan baılanysty Petropavlda úı janýarlaryn esepke alýǵa baılanysty jumystar bastalyp ketti. Osy ýaqytqa deıin 30-ǵa jýyq ıt-mysyq tirkeldi.
«Esepke alynatyn úı janýarlarynyń tizimine: ıt, mysyq, shınshılla, teńiz shoshqasy, sándik egeýquıryq, tasbaqa, ergejeıli shoshqa kirdi. It-mysyqty tirkeý mindettelse, qalǵanyn ıesi erikti túrde qujattaı alady.
Úı janýarlaryn qaıda esepke qoıýǵa bolady? Ony veterınarııa klınıkalary, panajaılar, janýarlardy aýlaý qyzmetteri, pıtomnıkter jáne ońaltý ortalyqtary júzege asyra alady. Búginde SQO-da «TANBA» janýarlardy esepke alýdyń aqparattyq júıesi jumys isteıdi, onda jeke kabınet ashyp, úı janýarlaryn tirkeýge múmkindik bar», - deıdi SQO veterınarııa basqarmasynyń bólim basshysy Natalıa Tarakanova.
Jalpy, tirkeý eki kezeńmen júzege asyrylady. Alǵashqysynda janýar jáne onyń ıesi týraly málimet aqparattyq bazaǵa engiziledi. Ol jerde janýarǵa berilgen JSN, turǵylyqty jeri jáne baılanys nómiri kórsetiledi. Ekinshi kezeńde janýar tekserilip, oǵan chıp engiziledi.
«Chıp – bul elektrondy tólqujat. Osy ýaqytqa deıin 15 janýarǵa chıp saldyq. Bul aýyrtpaıdy, keıin de asqyný bolmaıdy. ıAǵnı ıt-mysyqqa esh zııan kelmeıdi», - deıdi veterınar dáriger Natalıa Kıne.
Qazir Petropavlda chıp salýmen aınalysatyn 7 veterınarııa ortalyǵy bar. Bul qyzmet aqyly, alaıda turmysy tómen otbasylar úshin ol tegin júrgizilmek.