SQO-da iri kásiporyndardyń jartysyn áıelder basqaryp otyr

PETROPAVL. QazAqparat - Soltústik Qazaqstannyń statıstıka departamenti basshylyq qyzmettegi áıelder úlesi týraly málimet taratty, dep habarlaıdy QazAqparat oblystyq statıstıka departamentine silteme jasap.

Búginde oblysta jumys istep turǵan zańdy tulǵalardyń 27,1 paıyzyn jáne jeke kásipkerlerdiń 47,3 paıyzyn názik jandar basqarady.

Áıelder is júzinde árbir úshinshi shaǵyn kásiporynǵa, árbir tórtinshi orta jáne árbir ekinshi iri kásiporynǵa basshylyq etedi.

Áıel basqaratyn negizgi ekonomıkalyq qyzmet túrleri:

zańdy tulǵalar arasynda

· bilim berý (62,8%);

· jyljymaıtyn múlikpen jasalatyn operatsııalar (45,7%);

· densaýlyq saqtaý jáne halyqqa áleýmettik qyzmet kórsetý (43%);

· qarjy jáne saqtandyrý qyzmeti (42,1%);

· óner, oıyn-saýyq jáne demalys (41%).

jeke kásipkerler arasynda

· bilim berý (83,3%);

· densaýlyq saqtaý jáne halyqqa áleýmettik qyzmet kórsetý (67,1%);

· jyljymaıtyn múlikpen jasalatyn operatsııalar (61,4%);

· kóterme jáne bólshek saýda; avtomobılderdi jáne mototsıklderdi jóndeý (60,7%);

· turý jáne tamaqtaný boıynsha qyzmet kórsetý (59,6%);

· kórsetiletin qyzmetterdiń ózge de túrlerin usyný (55,5%).