SQO-da iri qaradan brýtsellez tabylǵan aýyl karantınge jabylady
14:38, 18 Qazan 2022
PETROPAVL. QazAqparat – Soltústik Qazaqstan oblysyna qarasty Kýıbyshev aýyldyq okrýginiń Nadejka aýylynda iri qaradan brýtsellez aýrýy tabyldy. Osyǵan baılanysty atalǵan eldi mekende shekteý sharalaryn engizý usynyldy, dep habarlaıdy QazAqparat tilshisi.
«Іri qara maldan brýtsellez aýrýynyń paıda bolýyna baılanysty Soltústik Qazaqstan oblysy Qyzyljar aýdanynyń Kýıbyshev aýyldyq okrýginiń Nadejka aýylyndaǵy 4 lınııa kóshesine shekteý sharalary belgilensin» dep kórsetilgen aýyldyq okrýg ákiminiń sheshiminde.
Qujatty ashyq talqylaý 1 qarashaǵa deıin jalǵasady.
Aıta keteıik, bıylǵy 8 aıda Batys Qazaqstan oblysynda 3 582 bas iri qara men 588 bas usaq maldan brýtsellez anyqtalǵan.
Jergilikti atqarýshy organnyń dereginshe, olar soıýǵa jiberilgen.