SQO-da gaz ballony jarylyp, bes turǵyndy kúıik shaldy

<p>Soltústik Qazaqstan oblysy Mamlıýt aýdany Meńgeser aýylyndaǵy turǵyn úıde 5 lıtrlik gaz ballony jarylyp, bes adamdy kúıik shaldy, dep habarlaıdy <a href="Kazinform." target="_blank" rel="noopener">Kazinform.</a></p>

SQO Tótenshe jaǵdaılar departamenti baspasóz qyzmetiniń málimetinshe, oqys oqıǵa 4 qańtar kúni saǵat 15.00 shamasynda bolǵan. Mamlıýtka qalasyndaǵy №15 órt sóndirý bólimine habar túsisimen oqıǵa ornyna órt sóndirýshiler, qutqarýshylar, polıtsııa jáne jergilikti atqarýshy organ ókilderi jetti.

Gaz ballonnyń jarylýynan úıdiń tóbesi jartylaı qulap, qabyrǵalary zaqymdanǵan.

Jarylys kezinde úıde bolǵan bes adam: 1970, 1979, 1977 jyly týǵan er adamdar jáne 1966 jylǵy áıel, 2007 jylǵy qyz túrli kúıikpen aýrýhanaǵa jetkizildi.

Esterińizge sala keteıik, osydan bir aı buryn Aqqaıyń aýdany Smırnovo eldi mekenindegi eki qabatty turǵyn úıde de gaz ballony jarylyp, 12 jasar qyz mert boldy, onyń 22 jastaǵy aǵasy aýyr jaraqatpen aýrýhanaǵa jetkizildi. 

Al jalpy sońǵy úsh jylda SQO-da qoldanystaǵy 30 gaz ballony jarylǵan.