SQO-da gaz ballony jarylyp, ájesi men nemeresi kúıip qaldy

<p>Soltústik Qazaqstan oblysy Bekseıit aýylynda gaz ballony jarylyp, 83 jastaǵy áıel men onyń 21 jastaǵy nemeresin kúıik shaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

SQO tótenshe jaǵdaılar departamenti baspasóz qyzmetiniń málimetinshe, oqys oqıǵa 5 qańtar kúni bolǵan.

Saǵat 19.43-te Mamlıýt aýdanynyń № 15 órt sóndirý bólimine 27 lıtrlik gaz ballonynyń jarylǵany týraly aqparat kelip tústi.

Saldarynan eki sharshy metr alańda tóbeniń tartpasy janǵan. Eki adam — 1940 jyly týǵan áıel jáne onyń 2002 jylǵy nemeresi kúıikpen aýrýhanaǵa jetkizildi.

Mamandardyń aıtýynsha, turǵyndar gaz aspaptaryn durys qoldanbaıdy, qaýipsizdik erejesin saqtamaıdy.

Foto: SQO TJD baspasóz qyzmeti

Máselen:

avtomobılge arnalǵan statsıonarlyq gaz quıý stantsııasynda avtokólikte paıdalanýǵa arnalmaǵan ballondardy toltyrýǵa tyıym salynǵan;

ballondardy tek syıymdylyǵynyń 85% ǵana toltyrǵan jón;

úı-jaıda gazy bar ballondardy jylytý radıatorlarynan jáne basqa da jylytý aspaptary men peshterden keminde 1 metr jáne ashyq otpen jylytý kózderinen keminde 5 metr qashyqtyqta bolýy tıis;

gaz ballonyn jyly bólmege engizgennen keıin birden paıdalanýǵa qatań tyıym salynady — jarylys bolýy múmkin.

Foto: SQO TJD baspasóz qyzmeti

Buǵan deıin SQO Meńgeser aýylynda gaz ballonynyń jarylǵanyn aıtqan edik. Sol sátte úıde bolǵan bes adam túrli dárejedegi kúıikpen aýrýhanaǵa jatqyzyldy.