SQO-da ǵana júzege asyrylyp jatqan «Ýaqytsha otbasy» jobasy keler jyly jabylýy múmkin

<p>PETROPAVL. KAZINFORM &ndash; SQO bilim basqarmasy basshysynyń orynbasary Tatıana Protopopovanyń aıtýynsha, &laquo;Ýaqytsha otbasy&raquo; pılottyq jobasy 2019 jylǵy qańtarda bastaldy.</p>

Joba qolǵa alynǵan kezde oǵan 3 aýdan qosylyp, 54 otbasyna 61 bala ýaqytsha patronatqa berildi.

Óńirdegi mektepterdiń basym bóligi – shaǵyn, keıbirinde múlde bilim ordasy joq. Mundaıda balalar kórshi aýylǵa baryp-kelip nemese ınternatta jatyp oqıdy. «Ýaqytsha otbasy» osyndaı basqa aýylǵa baryp oqýǵa májbúr balalarǵa arnaldy. ıAǵnı osyndaı aýyldyń oqýshysyn mektebi bar eldi mekendegi otbasy ýaqytsha qolyna alady.

«Bıylǵy oqý jylynda 11 aýdandaǵy 119 ýaqytsha otbasynda 132 bala turyp jatyr. Balalardy ýaqytsha otbasyǵa berý algorıtmi bar. Barlyq talaptar oryndalǵan jaǵdaıda ǵana sheshim qabyldanady jáne ata-ana, «ýaqytsha otbasy» jáne mektepke balany berý týraly úshjaqty shartqa otyrady.

- «Ýaqytsha otbasynda» turatyn balalar mektep ınspektorlary, ýchaskelik, áleýmettik pedagogter, psıhologtardyń nazarynda. Olar otbasylarǵa júıeli túrde barady, turǵyn úı-turmystyq jaǵdaılarǵa tekserý júrgizedi, - deıdi Tatıana Protopopova.

Mamannyń aıtýynsha, bul joba tıimdiligin kórsetti. Monıtorıngileý kezinde balalardyń sabaqty qaldyrý jaǵdaılarynyń azaıǵany anyqtaldy, óıtkeni «ýaqytsha ata-analar» tarapynan turaqty baqylaý bar, jaqsy kútim bolǵandyqtan bul balalar sırek aýyrady.

- Joba aıasynda balany ınternatta kútip-baǵýǵa baǵyttalǵan qarajat ýaqytsha otbasyǵa beriledi. Ol qarajatty jáne eńbekaqyny jergilikti atqarýshy organdar tóleıdi. Jalaqy ortasha eseppen 45 myń teńge bolsa, árbir kámeletke tolmaǵanǵa 7 AEK mólsherinde, onyń ishinde dárýmenge baı tamaqtaný úshin beriledi. Biraq sońǵy ýaqytta ata-analar balalaryn «ýaqytsha otbasyǵa» berýge qulyqsyz, - deıdi Tatıana Protopopova.

Buǵan deıin SQO-da apatty mektepter men jataqhana tapshylyǵy máseleleri tolyq sheshilgenin jazǵan edik.