SQO-da Esil ózeniniń sýy bir táýlikte 5 metrge kóterildi

<p>PETROPAVL. KAZINFORM &ndash; Soltústik Qazaqstan oblysynda kúnniń jylynýymen qar qarqyndy erip, ózenderdiń sýy qaýipti deńgeıge deıin kúrt kóterilý qaýpi bar.&nbsp;</p>

«Qazgıdromet» RMK SQO fılıalynyń málimetinshe, ótken táýlikte Sergeev sý qoımasynyń sý deńgeıi 75 sm-ge kóterilip, bógen 107%-ǵa toldy. Kesheden beri sýy erneýinen asyp, tógilip jatyr. 

Ǵabıt Músirepov atyndaǵy aýdannyń Toqsan bı aýylynyń mańynda Esil ózeniniń sýy bir táýlikte 492 sm-ge kóterildi. Mundaǵy qaýipti deńgeı – 1 800 sm, qazir 1 202 sm-ge jetti. Kreşenka eldi mekeni mańynda ornalasqan gıdrologııalyq bekette mamandar sý deńgeıiniń 194 sm-ge ózgergenin anyqtady. 

Esil aýdanynyń Pokrovka eldi mekeniniń mańynda 67 sm-ge, Qyzyljar aýdanynyń Novonıkolskoe eldi mekeniniń janynda Esil ózeni 36 sm-ge kóterilgen. 

Shaǵyn ózenderdiń de sý deńgeıi birshama artqan: Aqanburlyq ózeni Vozvyshenka aýylynyń mańynda – 172 sm-ge, Kovylnoe eldi mekeniniń mańynda 132 sm-ge, Rýzaevka eldi mekeniniń mańynda Sharyq ózeni 145 sm-ge, Gýsakovka aýylynyń mańynda Babyqburlyq ózeniniń sý deńgeıi 129 sm-ge kóterildi. Desek te, qaýipti deńgeıge áli jete qoıǵan joq. 

Aıta keteıik, buǵan deıin SQO-da Sergeev qoımasyndaǵy sý tası bastaǵanyn habarlaǵan edik.