SQO-da energetıkterdiń eńbekaqysy aldaǵy 3-4 jylda kezeń-kezeńmen ósirilmek

<p>&laquo;SEVKAZENERGO&raquo; AQ-da 500 jumys orny bos tur. Oǵan jalaqynyń mardymsyzdyǵy sebep. Máseleni tarıfti jáne eńbekaqy tóleý qoryn ósirý arqyly sheshýge bolady. Alaıda, bul sharaǵa Tabıǵı monopolııalardy retteý komıteti SQO boıynsha departamenti men monopolıster bara almaı otyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«AMANAT» partııasynyń Soltústik Qazaqstan oblystyq fılıaly janyndaǵy óńirlik damý jónindegi keńestiń otyrysynda «Investıtsııalarǵa aıyrbastaý tarıfi» baǵdarlamasyn iske asyrý máselesi talqylandy. Jıyn barysynda «SEVKAZENERGO» AQ bas dırektory Anatolıı Kazanovskıı eńbekaqy tóleý qoryn jańa tarıftik baǵdarlama aıasynda emes, óz bıýdjeti esebinen qalyptastyrý tıimdirek ekenin jetkizdi.

Foto: «AMANAT» partııasy SQOF baspasóz qyzmetiniki

«Biz eńbekaqyny «Investıtsııalarǵa aıyrbastaý tarıfi» baǵdarlamasy aıasynda kóterdik. Ár kásiporynnyń bıýdjeti ár túrli. Máselen, «Soltústik Qazaqstan elektrjelistik taratý kompanııasy» AQ bıylǵy eńbekaqy tóleý úshin josparlanǵan bıýdjeti 2 mlrd 100 mln teńge. Ortasha eńbekaqy 176 myń teńge. Qarajat jyl basynda josparlanǵan. Biz onyń barlyǵyn shamamen shilde aıyna deıin tólep keldik. Al «tarıftik» smeta boıynsha jyl basynda 120 myń teńge bolǵan, qazir 156 myń teńge. ıAǵnı bıýdjette naqty josparlanǵan qarjyny tóleý úshin bizge «tarıf» jetkiliksiz», - dedi Anatolıı Kazanovskıı.

Mamandardyń aıtýynsha, eńbekaqyny «Investıtsııalarǵa aıyrbastaý tarıfi» baǵdarlamasy arqyly tóleý kásiporyn úshin tıimsiz. ıAǵnı, shyǵyn bolyp sanalady. «SEVKAZENERGO» AQ sanaýy boıynsha óndiristik personaldyń ortasha eńbekaqysy keminde 210 myń teńge bolýy tıis. Qazir kásiporynda 2 myń maman eńbek etedi.

Tabıǵı monopolııalardy retteý komıteti oblystyq departamentiniń basshysy Damır Toqtamysovtyń aıtýynsha «Investıtsııalarǵa aıyrbastaý tarıfi» baǵdarlamasy boıynsha eńbekaqy tóleý qory kompanııa bıýdjetiniń 6% quraýy tıis. «SEVKAZENERGO» AQ úshin bul qyzmetkerlerdiń eńbekaqysyn arttyrýǵa jetkiliksiz. Osy máseleni sheshý jáne ınfraqurylymnyń tozý deńgeıin tómendetý boıynsha jumys 2 kezeń boıynsha júrgiziletin bolady.

Foto: «AMANAT» partııasy SQOF baspasóz qyzmetiniki

«Biz tarıfti shildeniń 1-inen bastap kóterdik. Bul - eńbekaqyny jáne ınvestıtsııalyq quramdas bólikti ulǵaıtýǵa múmkindik berdi. Endi 2024 jyldyń 1-shi qańtarynan bastap eńbekaqy men qosymsha ınvestıtsııalar deńgeıi de qaıta qaralatyn bolady. Jalpy, tarıf deńgeıi jyl saıyn ózgeredi. Biz ony jaqsy bilemiz. Sondyqtan tutynýshylardyń qaltasyna salmaq túsirmeý qajet. Barlyǵy 3-4 jylda kezeń-kezeńimen sheshiletin bolady», - dedi Damır Toqtamysov.

2022 jyldyń qorytyndysy boıynsha Petropavlda jylý jelileriniń tozý deńgeıi 74,6%, Jylý-elektr ortalyǵy jabdyqtarynyń tozýy - 53,5%, sýmen jabdyqtaý - 58%, sý burý - 61,7%, elektr jelileriniń tozýy - 81,7% quraǵan.