SQO-da «Eńbek» baǵdarlamasymen 20 myńnan astam adam qamtyldy
SQO jumyspen qamtýdy úılestirý jáne áleýmettik baǵdarlamalar basqarmasynyń málimetinshe, basqarma jumysynyń negizgi baǵyttary - jumyssyzdardy jumyspen qamtýdy qamtamasyz etý, eńbek resýrstarynyń utqyrlyǵyn arttyrý, az qamtylǵan otbasylarǵa ataýly áleýmettik kómek taǵaıyndap, múgedek adamdarǵa memlekettik qoldaý kórsetý.
Bul mindetterdiń keıbiri 2017-2021 jyldary aralyǵynda jumys istegen «Eńbek» memlekettik baǵdarlamasy aıasynda iske asty. Tek byltyr baǵdarlama boıynsha 20 033 azamat qamtyldy. Sonyń ishinde SQO-ǵa respýblıkanyń eńbek kúshi artyq óńirlerinen 2943 adam nemese 784 otbasy qonys aýdarǵan.
«Baǵdarlama aıasynda 850 adam kásibı oqytýdan ótti, 880 adam «Bastaý-Bıznes» jobasy boıynsha kásipkerlik negizderine oqytyldy, 588 azamatqa jańa bıznes-ıdeıalardy iske asyrý úshin 1214 grant berildi, memleket sýbsıdııalaıtyn jumys oryndaryna 5050 adam jumysqa ornalastyryldy», - deıdi basqarma mamandary.
2021 jylǵy mamyr aıynan bastap «Elektrondy eńbek bırjasy» portalynda halyqty jumyspen qamtýda memlekettik qyzmetter kórsetý boıynsha joba iske qosyldy, al maýsym aıynan bastap qysqa merzimdi onlaın-kýrstardan ótýge arnalǵan joba engizildi.
«Bıyl bul jumystar «Qýatty óńirler – el damýynyń draıveri» jáne Kásipkerlikti damytýdyń 2021-2025 jyldarǵa arnalǵan ulttyq jobalary negizinde jalǵasyn tabady. Halyqtyń áleýmettik osal toptary da únemi nazarda. Az qamtylǵan azamattarǵa ataýly áleýmettik kómek tólenedi. 2021 jyly 2331 otbasy 576,6 mln teńge kómek aldy. Bıyl «áleýmettik ámııan» engizilmekshi, bul ámııanǵa túsken qarajat bankterdiń, jeke sot oryndaýshylarynyń óndirip alynýyna jol berilmeıdi», - deıdi áleýmettik qyzmetkerler.
Byltyrdan bastap ońaltýdyń tehnıkalyq quraldary jáne ońaltý qyzmetteri Áleýmettik qyzmetter portaly arqyly berilip keledi. Osy aralyqta 9 myńǵa jýyq tapsyrys resimdelgen.