SQO-da elektr jelisinen ajyratylǵan 181 eldi mekenniń tek jartysyna jaryq berildi

<p>Soltústik Qazaqstan oblysynda keshegi borannyń saldarymen kúresip jatyr. Qarly-jaýyndy daýyl kezinde 13 aýdannyń 181 eldi mekeni elektr jaryǵynan ajyrap qaldy, dep habarlaıdy <a href="Kazinform" target="_blank" rel="noopener">Kazinform</a>.</p>

SQO energetıka jáne turǵyn úı-kommýnaldyq sharýashylyǵy basqarmasy basshysynyń mindetin atqarýshy Vladıslav Lýkınniń aıtýynsha, elektr symdarynyń úzilýinen, shaǵyn stantsııalarda symdardyń tuıyqtalýynan 14590 abonent jaryqssyz qaldy.

«Oblys aýmaǵynda jeldiń ekpini 25-30 m/s deıin jetti. Qarly jańbyr jaýdy. Saldarynan 181 eldi meken jaryqsyz qaldy.

Óńirde osyndaı oqys oqıǵada tıisti áreket etip, barlyq qyzmetterdiń jumysyn úılestiretin Shtab bar. Birinshi kezekte áleýmettik nysandar – aýdandyq aýrýhanalar, mektepter, balalar úıleri, ortalyq qazandyqtar nazarǵa alyndy. Olar birden qosymsha jaryq berý kózderine qosyldy», - deıdi Vladıslav Lýkın.

Qazirgi ýaqytta úzilgen elektr jelilerin anyqtap, qalypqa keltirýmen «Sevkazenergo» AQ 55 apattyq-jóndeý brıgadasy, sonsha tehnıka jáne «Kókshetaý-Energo» JShS 37 brıgadasy men 140 tehnıkasy aınalysyp jatyr.

Saǵat 15.00-degi málimet boıynsha ázirge 92 eldi mekenniń 5079 abonenti jaryqsyz otyr.