SQO-da eki jeńil kólik soqtyǵysyp, úsh adam jaraqattandy
Jol-kólik oqıǵasy keshe saǵat 15.30 shamasynda Petropavldaǵy aınalma joldardyń birinde bolǵan. VAZ-21093 men Toyota Camry avtokólikteri soqtyǵysyp, apat ornyna úsh jedel járdem kóligin jáne tótenshe jaǵdaılar departamentiniń qutqarýshylaryn shaqyrýǵa týra keldi.
VAZ kóliginiń 42 jastaǵy júrgizýshisi men onyń 36 jastaǵy jolaýshysy aýyr jaraqat alyp, oblys ortalyǵyndaǵy emdeý mekemeleriniń birine jetkizildi. Al Toyota-nyń 28 jastaǵy júrgizýshisine oqıǵa ornynda medıtsınalyq kómek kórsetilip, úıine jiberildi.
Qazirgi ýaqytta jol-kólik oqıǵasyna qatysty birqatar tıisti saraptamalar júrgizilip jatyr. Júrgizýshilerdiń spırttik ishimdik ishken-ishpegenin anyqtaý úshin olardan qan alyndy. Protsessýaldyq sheshim qabyldaý úshin jınalǵan materıal Petropavl qalalyq polıtsııa basqarmasynyń ákimshilik bólimine jiberildi.
Polıtseıler kóktaıǵaqqa baılanysty saqtyq sharalaryn kúsheıtýdi suraıdy.
Jalpy bıylǵy 10 aı ishinde SQO-da 151 jol-kólik oqıǵasy tirkelip, 28 adam mert boldy. 206 adam jaraqattandy. Al rýlge mas kúıde otyrǵany úshin myńǵa jýyq júrgizýshi ákimshilik jaýapkershilikke tartyldy.