SQO-da eki kólik soqtyǵysyp, birneshe adam zardap shekti
Jol-kólik oqıǵasynyń beınejazbasy áleýmettik jelide tarady. Kýágerlerdiń aıtýynsha, apat Petropavl-Mamlıýtka tas jolynda, Peterfeld eldi mekeniniń mańynda bolǵan. Qatty soqqydan eki kólikke de aıtarlyqtaı zaqym keldi. Adamdar aman.
Polıtsııa, jedel járdem qyzmetinen basqa, oqıǵa ornyna qutqarýshylardy da shaqyrýǵa týra kelgen. Mamandar kólik ishinde qystyrylyp qalǵan adamdy arnaıy quraldardy paıdalanyp alyp shyqty.
Jol-kólik oqıǵasyna qatysty Qyzyljar aýdandyq polıtsııa bólimi túsinik berdi.
«6 qarasha kúni saǵat 12.00-de «Chelıabi-Novosibir» avtojolynyń 516 shaqyrymynda jol-kólik oqıǵasy boldy. «Audi» men «Toyota Corola» jeńil kólikteri soqtyǵysyp qaldy. «Toyota» mashınasynyń júrgizýshisi men jolaýshylaryna medıtsınalyq kómek kórsetildi. Qazirgi ýaqytta Qyzyljar aýdandyq polıtsııa bóliminiń qyzmetkerleri sheshim qabyldaý úshin materıal jınap jatyr», - delingen habarlamada.