SQO-da eki basqarmaǵa jańa basshy taǵaıyndaldy

PETROPAVL. QazAqparat – Soltústik Qazaqstan oblysynda qurylys, sáýlet jáne qala qurylysy, sondaı-aq energetıka jáne turǵyn úı-kommýnaldyq sharýashylyq basqarmalaryna jańa basshylar taǵaıyndaldy, dep habarlaıdy QazAqparat tilshisi.

Basqarmalardyń jańa basshylaryn ákimdik otyrysynda óńir basshysy Qumar Aqsaqalov tanystyrdy.

Budan bylaı SQO ákimdiginiń qurylys, sáýlet jáne qala qurylysy basqarmasyn Qaırolla Ǵaleev basqarady.

Qaırolla Tóleýuly 1967 jyly Maǵjan Jumabaev aýdannyń Chıstovskıı aýylynda dúnıege kelgen. Aqmola aýyl sharýashylyǵy ınstıtýtyn ınjener-mehanık, Manash Qozybaev atyndaǵy Soltústik Qazaqstan ýnıversıtetin qarjyger mamandyǵy boıynsha támamdaǵan.

Talaı jyl Petropavl qalasy ákiminiń orynbasary qyzmetin atqardy.

Búgingi taǵaıyndaýǵa deıin Soltústik Qazaqstan oblysy ákimdiginiń qurylys, sáýlet jáne qala qurylysy basqarmasy basshysynyń orynbasary bolyp qyzmet etti.

Al Baqyt Іlııasov SQO ákimdiginiń energetıka jáne turǵyn úı-kommýnaldyq sharýashylyq basqarmasynyń basshysy bolyp taǵaıyndaldy.

Baqyt Botajanuly 1984 jyly Qyzyljar aýdanynyń Podgornoe aýylynda dúnıege kelgen.

Manash Qozybaev atyndaǵy Soltústik Qazaqstan ýnıversıtetin «Qurylys» mamandyǵy boıynsha bitirdi.

Búgingi taǵaıyndaýǵa deıin SQO ákimdiginiń energetıka jáne turǵyn úı-kommýnaldyq sharýashylyq basqarmasy basshysynyń orynbasary bolyp qyzmet etti.