SQO-da eki aptadan beri 24 jastaǵy boıjetken tabylmaı jatyr

PETROPAVL. QazAqparat – Soltústik Qazaqstan oblysynda 24 jastaǵy Alena Pıatkovaǵa izdeý jarııalandy. Odan eki aptadan beri habar joq, dep habarlaıdy QazAqparat tilshisi.

SQO volonterleri áleýmettik jelidegi paraqshada Alena Evgenevna Pıatkovaǵa izdeý jarııalady. 1999 jyly týǵan boıjetken 10 qańtardan beri joq. Mamlıýtka qalasynda turatyn ol sol kúni Petropavlǵa baram dep jolǵa shyqqan. Sodan beri habarsyz.

Alenanyń boıy 168 sm, aryqsha kelgen, uzyn qara shashty, kók kózdi.

Sol kúni basynda qyzǵylt tústi bas kıim, ústinde qara-kók tústi, jaǵasy aq terimen kómkerilgen kýrtka, kók djınsy shalbar, qara báteńke bolǵan.

Іzdeý jarııalanǵan boıjetken jaıynda qandaı da bir aqparat bolǵan jaǵdaıda 8 777 307 99 65, 8 926 626 64 33 nemese polıtsııanyń 102 nómirine habarlasýǵa bolady.

Buǵan deıin 47 jastaǵy Murat Ǵalymuly Muhanjarovqa da izdeý jarııalanǵanyn aıtqan edik. Petropavl turǵyny sońǵy ret týystarymen qazan aıynda baılanysqa shyǵyp, SQO Býlaev qalasynda qurylysta júrgenin aıtqan. Keıin onymen baılanys úzilgen.

Er adamnyń boıy 170 sm, qoı kózdi, qara qysqa shashty.

Joǵalǵan er adamdy kórgen-bilgender bolsa, 8 775 152 07 52, 8 775 631 48 11 jáne volonterlerdiń 8 777 307 99 65, 8 926 626 64 33 nómirine nemese 102-ge habarlasa alady.