SQO-da eki jasóspirim sýǵa ketti
19:00, 10 Shilde 2024
<p>PETROPAVL. KAZINFORM – Soltústik Qazaqstan oblysy Qyzyljar aýdanynda eki jasóspirimniń denesi ózen arnasynan tabyldy. </p>
Oqıǵa búgin Beskól aýylynyń mańynda, Esil ózeniniń arnasynda bolǵan. 2009 jáne 2012 jyly týǵan eki balany izdeýge oblystyq tótenshe jaǵdaılar departamenti jeke quramynyń 8 mamany, 3 tehnıka jáne ushqyshsyz basqarylatyn ushatyn apparat jumyldyryldy. Nátıjesinde saǵat 14.40 mınýt ketkende jasóspirimderdiń denesi tabylyp, sýdan shyǵaryldy.
Eki balanyń ólimine ne sebep bolǵany anyqtalyp jatyr, sot-medıtsınalyq saraptama taǵaıyndaldy.
SQO-da sýǵa shomylý maýsymy bastalǵaly osymen 6 adam mert boldy.
Esterińizge salaıyq, 1 shilde kúni «Chernoe» kólinde 20 jastaǵy jigittiń sýǵa ketkenin jazǵan edik.