SQO-da eki balanyń astan ýlanyp qaıtys bolýyna kináliler áli jazalanbaǵan

<p>PETROPAVL. KAZINFORM &ndash; Soltústik Qazaqstan oblysynyń turǵyny Galına Kovalenko óńir prokýratýrasyna aryzdanyp, balalarynyń qaıtys bolýyna baılanysty tergeýdi qaıta júrgizýdi surady.</p>

Esterińizge salaıyq, maýsym aıynda Qyzyljar aýdany Nadejka eldi mekeninde Kovalenkonyń otbasy jergilikti dúkennen keshki asqa tushpara men shujyq alyp jeıdi. Biraq kóp uzamaı birinen soń biri aýyryp, jergilikti feldsherdi kómekke shaqyrǵan. Úsh jasar ul men 6 jasar qyz balany qutqarý múmkin bolmady. 

Keıin saraptama qorytyndysy shyǵyp, balalardyń taǵam quramyndaǵy nıtrattan ýlanǵany anyqtaldy. 

Eki kisiniń ólimine qatysty is qozǵalyp, ol qylmystyq quramy joq degen sebeppen qazan aıynda jabylyp qaldy. 

Qaıtys bolǵan balalardyń anasy Galına Kovalenko istiń qaıta tergelip, kináliler jaýap berýi úshin búgin prokýratýraǵa aryzdandy.

— Oblystyń polıtsııa departamenti Qazaqstan Respýblıkasy Qylmystyq kodeksiniń 304-babynyń 3-bóligi boıynsha abaısyzda eki adam ólimine ákep soqtyrǵan, sanıtarlyq erejelerdi buzý faktisi boıynsha sotqa deıingi tergep-tekserý júrgizdi. Qylmystyq quqyq buzýshylyq quramynyń bolmaýyna baılanysty qylmystyq isti toqtatý týraly qabyldanǵan sheshimdi oblys prokýratýrasy qosymsha tergeý áreketterin júrgizý úshin buzdy. 26 jeltoqsanda Kovalenkonyń otbasyn oblys prokýrory orynbasary qabyldap, qylmystyq jáne qylmystyq-protsestik zańnama talaptaryn túsindirdi, — dedi prokýratýra ókilderi.

Buǵan deıin SQO-da jańa jyl qarsańynda arnaıy qyzmetterdiń mobıldi toptary jumys istep jatqanyn jazǵan edik.