SQO-da eki aýdannyń ákimi jańadan saılandy
SQO ákimi baspasóz qyzmetiniń málimetinshe, jańa ákimder QR Prezıdenti kimshiliginiń jáne aýdandyq máslıhat depýtattarynyń kelisimimen, SQO ákiminiń ókimimen taǵaıyndaldy.
Aqjar aýdanynyń jańa ákimi Rústem Elýbaev 1969 jyly burynǵy Kókshetaý oblysy Qyzyltý aýdanynyń Maı aýylynda týǵan. Kókshetaý aýyl sharýashylyǵy ınstıtýtyn «ǵalym-agronom» jáne Sh. Ýálıhanov atyndaǵy Kókshetaý aýyl sharýashylyǵy ýnıversıtetin «ekonomıst» mamandyǵy boıynsha bitirgen.
Eńbek jolyn 1992 jyly Lenın aýdanynyń «Maı» keńsharynda tuqym ósirýshi-agronom bolyp bastaǵan. Túrli laýazymdy qyzmette, sonyń ishinde 2005 jyly SQO ákiminiń keńesshisi, 2006 jyly Ýálıhanov aýdanynyń ákimi, 2007 jyly SQO Jer qatynastary basqarmasynyń basshysy, 2009-2013 jyldar aralyǵynda Aqqaıyń aýdanynyń ákimi jáne SQO Mádenıet, muraǵat jáne qujattar basqarmasy jetekshisi boldy. Osy taǵaıyndaýǵa deıin QR AShM agroónerkásiptik keshendegi memlekettik ınspektsııa komıtetiniń «Fıtosanıtarlyq dıagnostıka jáne boljaý ádistemelik ortalyǵy» oblystyq fılıalyn basqarǵan.
Osy taǵaıyndaýǵa deıin Aqqaıyń aýdanynyń ákimi qyzmetin atqardy.
Al Rústem Elýbaevtyń ornyna kelgen Janar Qusaıyn 1967 jyly dúnıege kelgen.
1988 jyly Almaty halyq sharýashylyǵy ınstıtýtyn bitirgen, ekonomıst.
2019 jyly M. Qozybaev atyndaǵy Soltústik Qazaqstan memlekettik ýnıversıtetin «quqyqtaný» mamandyǵy boıynsha támamdaǵan.
1988-2002 jyldar aralyǵynda ekonomıkanyń shynaıy sektoryndaǵy memlekettik organdary men kásiporyndarynda túrli laýazymdarda qyzmet etti.
2010 jyly SQO Aýyl sharýashylyǵy basqarmasynyń orynbasary laýazymyna taǵaıyndaldy.
2020 jyldan osy taǵaıyndaýǵa deıin SQO ákimdiginiń memlekettik satyp alý basqarmasynyń basshysy bolyp eńbek etti.
Buǵan deıin SQO-daǵy M.Jumabaev aýdanyna Rahat Smaǵulov ákim bolyp taǵaıyndalǵanyn jazǵan edik.