SQO-da dúnıege kelgenderden qaıtys bolǵandardyń úlesi joǵary

<p>Soltústik Qazaqstan oblysy bıyl qańtar-qyrkúıek aıynda 4192 nárese dúnıege keldi. Qazirgi ýaqytta óńirdegi halyq sany 531,3 myń adamdy qurap otyr, dep habarlaıdy Kazinform.</p>

Ulttyq statıstıka bıýrosynyń SQO boıynsha departamentiniń málimetinshe, óńir turǵyndarynyń 48,8%, ıaǵnı 259,4 myń adam qalada turady. Al 271,9 myń adam nemese 51,2% - aýyl turǵyny.
Bıylǵy qańtar-qyrkúıekte dúnıege kelgen 4192 náresteniń 2129 – uldar jáne 2063 – qyzdar. Jańa týǵan balalardyń 41,6% oblys ortalyǵynda týǵan.

«Oblys aýdandary arasynda bala týý kórsetkishinen Ýálıhanov aýdany birinshi keledi. Bul aýdanda týý koeffıtsıenti 16,49 promılle, Aqjar – 14,55, Shal aqyn – 11,57, Aıyrtaý aýdanynda – 11,20 promılle. Oblys boıynsha eń tómen týý kórsetkishi Aqqaıyń aýdanynda – 8,92 promılle, M. Jumabaev aýdanynda – 8,99, Esil aýdanynda – 9,30», - delingen habarlamada.

Sáıkes merzimde oblys aýmaǵynda 4360 adam qaıtys boldy. Óńir turǵyndarynyń negizgi ólim sebepterine toqtalar bolsaq: qan aınalymy júıesiniń aýrýlarynan - 16,1%, tynys alý organdarynyń aýrýlarynan - 13,9, as qorytý organdarynyń aýrýlarynan - 8,6, onkologııadan - 8,3, jazataıym oqıǵalar, ýlaný men jaraqattanýdan - 7,2% qaıtys bolǵan.

Jyl basynan qazanǵa deıin 2388 neke tirkeldi. Azamattyq hal aktilerin tirkeý organdarynyń derekteri boıynsha, nekeni buzý týraly sot sheshimderinsiz 484 ajyrasý tirkeldi.