SQO-da dinı nysandardyń jumys isteýine ruqsat berildi

PETROPAVL. QazAqparat – Soltústik Qazaqstan oblysynda epıdemıologııalyq jaǵdaıdyń turaqtanýyna baılanysty dinı nysandardyń jumys isteýine ruqsat berildi, dep habarlaıdy QazAqparat tilshisi.

Búgin SQO-nyń Bas memlekettik sanıtar dárigeriniń qaýlysyna ózgeris engizildi. Budan bylaı óńirde dinı nysandardyń jumys isteýine ruqsat. Alaıda keı talaptardy oryndaý qajet, ıaǵnı adam sanyn 30% asyrmaı jáne bir adamǵa eń keminde 4 sharshy metrden kelýi kerek.

SQO-da búginde epıdemıologııalyq jaǵdaı turaqty, óńir «jasyl» aımaqta. Ótken táýlikte koronavırýs ınfektsııasy tek 12 adamda ǵana anyqtaldy. Jalpy oblysta KVI-diń 14192 jaǵdaıy tirkeldi, onyń 420 jaǵdaıy nemese 2,9% syrttan ákelingen. Vırýsty juqtyrǵan 8938 adamda nemese 63% aýrý belgileri bolǵan.

Buǵan deıin oblystyń bas sanıtar dárigeri Áset Jumataevtyń qaýlysymen saýda oryndarynyń, qoǵamdyq tamaqtaný nysandarynyń jumys ýaqyty uzartylǵan edi.