SQO-da demalys kúnderi termometr baǵany +42 gradýsqa jetpek
«Qazgıdromet» RMK SQO fılıaly dırektorynyń orynbasary Natalııa Levınanyń aıtýynsha, qalyptasqan ystyq aýa-raıy Iran men Orta Azııadan kelgen aýa massalarymen baılanysty. Túnde aýa temperatýrasy +18..+ 23°S, kúndiz termometr baǵandary +34..+ 39°S deıin kóterildi. 3 maýsymda aýa temperatýrasy keı jerlerde +42°S deıin jetedi.
«7 maýsymnan bastap SQO aýmaǵyna tsıklon keledi. Onyń áserinen naızaǵaı oınap, qysqa merzimdi jańbyr jaýady, jel kúsheıedi, burshaq, shańdy daýyl bolady. Ystyqtyń da beti qaıtady.
Aýa temperatýrasy túnde +18..+23°S-tan +12..+17°S deıin, kúndiz + 34..+39°S-tan +22..+27°S-qa deıin birtindep tómendeıdi.
Maýsymnyń ekinshi jáne úshinshi onkúndiginde aýa raıy aýyspaly bolady. Qysqa merzimdi jańbyr, ekpindi jel, naızaǵaı, burshaq jáne shańdy daýyl bolýy múmkin», - deıdi Natalııa Levına.
Jalpy maýsym aıynda bir aıdaǵy ortasha temperatýra +18,2..+20,0°S bolady dep kútilýde, bul normadan 1-2 gradýsqa joǵary. Al jaýyn-shashyn mólsheri keı jerlerde normadan az bolady dep boljanǵan.
«SQO-da aýa temperatýrasynyń 35-ten 40-qa deıin joǵarylaýy sırek kezdesetin tabıǵı qubylysqa jatady. Petropavl qalasy boıynsha termometr baǵanasy 1940 jyldyń shildesinde 40,5 °S deıin kóterildi. Oblys boıynsha sońǵy ret qatty ystyq 2021 jyldyń 2-3 shildesinde Tımırıazevo, Rýzaevka jáne Chkalov meteostantsııalarynda tirkeldi, munda synap baǵanasy 40,1..40,5 °S jetti», - deıdi sınoptık.
Aptap ystyqqa baılanysty SQO-da 1-3 maýsym aralyǵyna eskertý berildi.