SQO-da byltyr jumys ornynda 41 adam zardap shegip, sonyń segizi qaza tapty

PETROPAVL. QazAqparat – Soltústik Qazaqstan oblysynda byltyr óndiriste jazataıym oqıǵa kezinde 41 adam jaraqattansa, sonyń ishinde 8 adam qaza tapty, dep habarlaıdy QazAqparat tilshisi.

Ulttyq statıstıka bıýrosy SQO boıynsha departamenti baspasóz qyzmetiniń málimetinshe, byltyr jalpy zardap shekkenderdiń 19,5%, al mert bolǵandardyń 12,5% - áıel.

2021 jylmen salystyrǵanda jazataıym oqıǵalardan zardap shekkenderdiń sany 4,6% azaıǵan. Ótken jyly barlyq zardap shekkenderdiń 61% – jeke menshik kásiporyndar men uıymdarda, 29,3% – memlekettik jáne 9,7% – sheteldik zańdy tulǵalardyń menshigindegi kásiporyndarda jumys istegen.

Óndiristegi jazataıym oqıǵalar kezinde zardap shekkenderdiń árbir úshinshisi - biliktiligi joq jumysshy.

Zardap shekkenderdiń eń kóbi - 9 adam aýyl, orman jáne balyq sharýashylyǵynda jumys istegen.

Óndiriste jaraqat alǵan 10 adam óreskel abaısyzdyqtan, altaýy - jol qozǵalysy erejeleriniń buzylýynan, beseýi – jumysty durys uıymdastyrmaýdan zardap shekken.

Sondaı-aq zardap shegýshiniń bıikten qulaýynan 12 adam jaraqat aldy. Uıymnyń kóliginde, qoǵamdyq kólikte bolǵan jol-kólik oqıǵasynda jáne zardap shegýshiniń bıikten qulaýynan bes adamnan zardap shekti.

Óndiristegi jaraqattanýshylyqqa baılanysty 16 adam jabyq synyq aldy, 12 jumysshynyń ishki aǵzalaryna zaqym keldi, 8 adamda súıegi shyǵyp ketse, 5 adamda ashyq synyqtar bolǵan.

Jalpy byltyr óndiriste bolǵan jazataıym oqıǵalar boıynsha materıaldyq tólemder 15,1 mln teńgeni qurady, odan 8,3 mln teńgesi eńbekke jaramsyzdyq paraǵy boıynsha tólense, 6,8 mln teńgesi birrettik járdemaqylar.