SQO-da byltyr 900-ge jýyq adamdy ıt qapty

PETROPAVL. QazAqparat – Soltústik Qazaqstan oblysynda bıyl qańǵyrǵan 600 ıt-mysyqty kútip-ustaýǵa, chıp salyp, sterıldeýge 42,5 mln teńge bólindi, dep habarlaıdy QazAqparat tilshisi.

SQO veterınarııa basqarmasynyń málimetinshe, byltyr óńirde qańǵyrǵan 30 úı janýaryna chıp salynyp, uryqsyzdandyryldy. Bul jumys bıyl da jalǵaspaq. Osy maqsatqa bıýdjetten 42 mln 576 myń teńge bólinip otyr. Bul qarajatqa qańǵyrǵan 600 ıt-mysyq qamtylmaq.

Qazir óńirde úı janýarlaryn esepke alatyn «TANBA» aqparattyq júıesi jumys isteıdi. Oǵan ıt-mysyqpen jumys isteıtin óńirdiń 10 mekemesi tirkelgen. Sonyń altaýy – veterınarlyq klınıka, 2 – janýarlardy aýlaıtyn qyzmet, bireýi – janýarlardy qorǵaý uıymy jáne bireýi qańǵyrǵan janýarlarǵa arnalǵan panajaı.

Osy júıe arqyly byltyr úı janýarlaryn esepke qoıý erejesine sákes 301 ıt-mysyq tirkeldi. Onyń 30-y – ıesiz janýar.

SQO Sanıtarııalyq-epıdemıologııalyq baqylaý departamentiniń málimetinshe, byltyr 891 adamdy ıt qapqan. Onyń basym bóligi – ıesi bar ıtter. It talaǵandardyń 352-si 18 jasqa tolmaǵandar. Zardap shekkenderdiń 886-sy qutyrma aýrýyna qarsy vaktsına aldy.

Sondaı-aq, oblys aýmaǵynda ıt qapqan adamnyń qaıtys bolý deregi tirkelmedi.

Foto: media.canal3.md