SQO-da byltyr 62 náreste shetinedi

PETROPAVL. QazAqparat – Soltústik Qazaqstan oblysynda byltyr 5848 shaqalaq dúnıege kelse, 62 sábı bir jasqa kelmeı shetinedi, dep habarlaıdy QazAqparat tilshisi.

SQO Densaýlyq saqtaý basqarmasynyń basshysy Qumar Kúsemisovtiń aıtýynsha, nárestelerdiń 31-i nemese 47% perınataldyq kezeńde paıda bolatyn aýrýlardan, 14 bala nemese 21% - týabitti aýytqýshylyqtan qaıtys bolǵan.
6 bala kenetten ólý sındromynan, 2 bala bakterıaldy dertten, 3 bala júıke júıesi aýrýlarynan kóz jumdy.
11 sábı úıde, 2 bala aýrýhanada qaza boldy.
Byltyr ana ólimi tirkelgen joq. 2021 jyly jańa týǵan 32-39 jas aralyǵyndaǵy úsh kelinshek qaıtys boldy. Onyń ekeýi KVI-den, aýyr dárejeli pnevmonııadan dúnıe saldy.
«Bul saladaǵy eń basty másele – kadr jetispeýshiligi. Akýsher-gınekologtar, pedıatrlar az. Sondaı-aq pedıatrııalyq ýchaskelerde patronajdyq medbıkeler jetispeıdi. Saldarynan balalardaǵy qaýipti erte anyqtaýǵa, patronajdy saýatty júrgizýge áser etedi.
SQO-da balalardyń dáriger oftalmology joq. Byltyr oblystyq kópbeıindi balalar aýrýhanasyna 20 maman qabyldandy. Olar: onkogematolog, balalar gınekology, 2 nevrolog, 3 pýlmonolog, balalar hırýrgi, 2 travmatolog, 3 ınfektsıonıst, 2 anestezıolog-reanımatolog», - deıdi basqarma basshysy.