SQO-da brýtsellezge baılanysty eki aýylda shekteý sharalary engizildi

<p>PETROPAVL. KAZINFORM &mdash; Soltústik Qazaqstan oblysynda mamyr aıynda 52 iri qara maldan brýtsellez aýrýy anyqtaldy. Juqpaly derttiń jaıylýyna jol bermec úshin óńirdiń eki aýylyna shekteý sharalary qoldanyldy.</p>

SQO veterınarııa basqarmasy baspasóz qyzmetiniń málimetinshe, aýrý mal veterınarlardyń josparly tekserisi kezinde anyqtalǵan.

Sońǵy jaǵdaı Aqqaıyń aýdanynyń Lenınskoe eldi mekeninde tirkeldi. Munda aýyldyń úsh maly juqtyrǵan.

«Bıyl Aıyrtaý aýdanynda 77 mal aýyrdy, onyń onyń 58-i eki sharýashylyqtyń sıyry, Aqjar aýdanynda aýyrǵan 20 maldyń 17-si eki sharýashylyqqa qaraıdy. Aqqaıyń aýdanynda 5 aýyldyń 15 iri qarasy brýtsellez juqtyrǵan. Qyzyljar aýdanynda 129 aýrý mal anyqtalsa, sonyń 122-si — eki sharýashylyqqa tıesili. Tımırıazevta — 1 jáne Ýálıhanov aýdanynda 2 iri qaradan brýtsellez anyqtaldy», — deıdi basqarmanyń baspasóz hatshysy Amanjol Nurtazın. 

Jalpy jyl bastalǵaly SQO-da 244 iri qara malda brýtsellez anyqtalǵan.

Búginde Tımırıazev aýdanynyń Dokýchaevo jáne Aqqaıyń aýdanynyń Lenınskoe eldi mekenderinde shekteý sharalary engizildi.