SQO-da brýtsellez aýrýyna baılanysty úsh eldi mekenge shekteý engizildi
SQO veterınarııa basqarmasy baspasóz qyzmetiniń málimetinshe, Aqqaıyń aýdany Lenınskoe eldi mekeninde turǵyndardyń qorasyndaǵy mal aýrý juqtyrǵan. Sońǵy ret munda 7-shi tamyz kúni 9 iri qaradan saryp anyqtalsa, jalpy mamyr aıynan bastap 63 sıyr aýyryp, pyshaqqa ilikti.
«Aýrý maldyń kózi tolyq joıyldy. Brýtsellez oshaǵy anyqtalǵandyqtan eldi mekenge shekteý sharalary qoldanyldy, ıaǵnı maldy, onyń súti men etin aýyl aýmaǵynan shyǵarýǵa bolmaıdy. Qazirgi ýaqytta Aqqaıyń aýdanyndaǵy Kamyshlovo eldi mekeninde jáne Aqjar aýdanynyń Talshyq aýylynda da shekteý sharalary bar. Sońǵysynda úsh kóshege shekteý qoıyldy», - deıdi basqarmanyń baspasóz hatshysy Amanjol Nurtazın.
Qyzyljar aýdany Baısal aýylynda turǵyndardyń úsh iri qara maly aýyryp, sáýir aıynda eldi mekenge shekteý qoıylsa, ol tek tamyz aıynyń basynda ǵana alyndy.
Jalpy SQO-da jyl basynan beri 5 aýdan – Aıyrtaý, Aqjar, Aqqaıyń, Qyzyljar jáne Ýálıhanov aýdandarynda saryp anyqtalyp, 170 aýrý maldyń kózi joıyldy. Onyń ishinde sharýashylyqtyń da turǵyndardyń da sıyry bar. Byltyr osy ýaqyt aralyǵynda 722 iri qara mal aýyrǵan.