SQO-da bir jyl ishinde azyq-túlik baǵasy qalaı ózgerdi

<p>PETROPAVL. KAZINFORM &ndash; Soltústik Qazaqstan oblysynda ınflıatsııa mamyrda jyldyq esepteýmen alǵanda 9,2% kórsetti.&nbsp;</p>

Ulttyq statıstıka bıýrosy SQO boıynsha departamentiniń málimetinshe, baǵa ótken jyldyń mamyrynan bıylǵy mamyrmen salystyrǵanda, azyq-túlik taýarlaryna 7%, azyq-túlik emes taýarlarǵa 6,9, aqyly qyzmetterge 16,2% ósti.

Jyl ishinde jemister 18,6%, kondıter ónimderi 12,7, tuzdalmaǵan sary maı 12, toqash jáne unnan daıyndalǵan kondıter ónimderi 10,4, balyq jáne teńiz ónimderi 10,7, qus eti 5,5, qant 2,4% qymbattaǵan.

Jarmalarǵa baǵa 19% tómendedi. Al kúrish, kerisinshe, 31,8% qymbattady. Alkogoldi ishimdikter baǵasy 15,4% ósse, kókónister 7,9%, sonyń ishinde qyryqqabat 25,1% arzandaǵan, al sábiz 15,6, kartop 5,8, qyzylsha 4,1% qymbattady. Ósimdik maıynyń baǵasy 19,4% tústi.

Bir jyl ishinde jeke basqa arnalǵan buıymdar, prıborlar jáne taýarlar 14,3%, farmatsevtıkalyq ónimder 10,2, kıim jáne aıaq kıim 8,8, turǵyn úı-jaıǵa qyzmet kórsetý jáne jóndeýge arnalǵan materıaldar 7,4% qymbattady. Benzın baǵasy da 1% ósken.

Baǵalar ambýlatorlyq qyzmetterge 12,8%, turǵyn úı-jaılarǵa qyzmet kórsetý jáne jóndeý boıynsha qyzmetterge 11,9, demalys, oıyn-saýyq jáne mádenıet salasyndaǵy qyzmetterge 9,1, qonaq úı qyzmetterine 4,8% ósti. Shashtaraz jáne jeke qyzmet kórsetý mekemeleri qyzmetteriniń baǵasy 17,5% qymbattady.

Buǵan deıin SQO-da 42 syrqatqa joǵary tehnologııalyq qymbat ota tegin jasalǵanyn jazǵan edik.