SQO-da bir úıdiń toǵyz adamy ıis tıip, ýlanyp qaldy

<p>PETROPAVL. KAZINFORM &ndash; Soltústik Qazaqstan Aıyrtaý aýdanynyń Antonovka eldi mekeninde bir úıli jan kómirtegi totyǵymen ýlanyp, aýrýhanaǵa tústi.&nbsp;</p>

SQO Tótenshe jaǵdaılar departamenti baspasóz qyzmetiniń málimetinshe, oqıǵa búgin bolǵan. 112 telefon nómirine saǵat 10:10-da Antonovka aýylynda jeke úıde bir otbasynyń kómirtegi totyǵymen ýlanǵany týraly habar túsedi. Úıde 33 jastaǵy áıel kámelet jasyna tolmaǵan segiz balasymen bolǵan. Eresegi 15-te bolsa, kishisiniń jasy altyda. Otbasy músheleri aýdandyq aýrýhanaǵa jatqyzyldy.

Aldyn ala boljam boıynsha, otbasynyń ýlanýyna peshtiń murjasyn merziminen buryn jabý sebep bolǵan.

Otbasy bul baspanaǵa eki kún buryn ǵana úılerinde jóndeý júrip jatqandyqtan ýaqytsha turýǵa kóshken eken.

Negizgi mekenjaıynda qańtarda aýdandyq tótenshe jaǵdaılar bóliminiń qyzmetkerleri kómirtegi totyǵy datchıgin ornatqan. Órt qaýipsizdigi erejelerin saqtaý boıynsha profılaktıkalyq jumys ta júrgizilgen eken.

Buǵan deıin Almatyda avtobýs órtengenin aıtqan edik.