SQO-da bir táýlikte bir aı normasyndaǵy qar jaýdy

<p>Soltústik Qazaqstan oblysynda bir táýlikte 22,6 mıllımetr qar jaýdy. Bul rette ortasha kópjyldyq máni 25,9 mıllımetrdi quraıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Qazgıdromet» RMK fılıalynyń málimetinshe, 18 qarasha kúni Petropavldaǵy meteostantsııa 24 mıllımetr jaýyn-shashyndy tirkegen. Al qarasha aıynyń basynan bastap 32,8 mıllımetr jaýǵan, mundaǵy ortasha kópjyldyq mán – 30 mıllımetr.

Búgin Esil aýdanynyń ıAvlenka aýylynda 19,4 mıllımetr, al ıAsnovka aýylynda – 45,4 mıllımetr jaýyn-shashyn túsken. Shal aqyn aýdanyndaǵy Sergeevkada – 31,7 mıllımetr jaýǵan, munda ortasha kóp jyldyq mán 26 mıllımetr bolyp tirkelgen.

Búgin qardyń eń az mólsheri Ýálıhanov aýdanynyń Kishkenekól aýylynda jaýǵan – 5,6 mıllımetr, Ǵ.Músirepov aýdanynyń Andreevka aýylynda jáne Aqjar aýdanynyń Qyzyltús aýylynda – 5,8 mıllımetr tirkelgen.

Oblysta erteń 19 qarashaǵa daýyl týraly eskertý jarııalanǵan. Onda qarly boran, kúndiz soltústik-batystan jel, túnde soltústik jeli 15-20 m/s bolady dep kútilýde.