SQO-da bir shańyraqtyń 20 shaqty adamy referendým ýchaskesine án-kúıletip keldi

<p>PETROPAVL. KAZINFORM &ndash; Soltústik Qazaqstan oblysy Qyzyljar aýdany Báıterek aýylyndaǵy Musabaı Juparhannyń otbasy referendým ýchaskesine taıly-tuıaǵy qalmaı keldi. Ulttyq kıim kıgen áýlet músheleri tańdaý jasap bolǵannan keıin, kelýshilerge dombyra tartyp, án oryndap berdi.&nbsp;</p>

Báıterek aýylynyń turǵyny Musabaı Juparhan Qazaqstanǵa 2009 jyly qonys aýdarǵan. Mońǵolııadan kelgen qandasqa «Nurly jol» baǵdarlamasymen salynǵan úı berildi. Qazir atajurtta dúnıege kelgen nemereleriniń qyzyǵyn kórip otyr.

Foto: Anatolıı Belonog

«Tórt ul, eki qyzym bar, bári búginde shańyraq kótergen. Kenje ulym Juparhanmen birge turamyn. Osyndaǵy mektepte 6 jyl jumys istep, byltyr zeınet demalysyna shyqtym», - deıdi aýyl turǵyny. 

Foto: Anatolıı Belonog

Zeınetker de, bala-shaǵasy da jergilikti mektepte ornalasqan referendým ýchaskesine ulttyq kıimmen jáne dombyra ala keldi. Án shyrqap, daýys berýge kelgen aýyldastarynyń kóńilin kóterdi. 

Foto: Anatolıı Belonog

«Áıelim, balalarym men kelinderim, nemerelerim – tańdaý jasaýǵa keldik. Referendýmǵa qatysyp, óte mańyzdy máselege qatysty daýysymyzdy berdik. Elimizdiń bolashaǵy úshin durys tańdaý jasadyq dep úmittenemin», - deıdi Musabaı Juparhan. 

Foto: Anatolıı Belonog

Qyzyljar aýdany Báıterek aýylyndaǵy №276 referendým ýchaskesinde 988 adam tirkelgen. Olardyń basym bóligi túske deıin óz tańdaýlaryn jasady. 

Buǵan deıin Petropavldaǵy QR Ulttyq ulany akademııasyndaǵy referendým ýchaskesi alǵashqylardyń biri bolyp jumysyn aıaqtaǵanyn jazǵan edik.