SQO-da bir otbasy astan ýlandy: 2 bala qaıtys boldy

<p>PETROPAVL. KAZINFORM &ndash; Soltústik Qazaqstan oblysy Qyzyljar aýdanynda astan ýlanǵan bir otbasy aýrýhanaǵa tústi. Eki balany dárigerler ajaldan qutqara almady.</p>

Oqıǵa 13 maýsym kúni Qyzyljar aýdany Nadejka eldi mekeninde bolǵan.

SQO polıtsııa departamenti baspasóz qyzmetiniń málimetinshe, qazirgi ýaqytta otbasynyń ýlanyp, 3 jáne 6 jastaǵy eki balanyń qaıtys bolýyna jáne taǵy úsh adamnyń aýrýhanaǵa túsýine baılanysty sotqa deıingi tergeý bastaldy. 

Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, osy derek boıynsha tekseris bastaldy, tamaqtyń synamasy alynyp, zerthanaǵa jiberildi. 

Buǵan deıin Petropavlda Qazaqstannyń 5 kásipornynyń 25 mamany qaǵaz óndirisine qatysty qysqamerzimdi kýrstan ótip jatqanyn jazǵan edik.