SQO-da bir malǵa eki ret ekpe egýdiń 15 myń faktisi anyqtaldy

<p>PETROPAVL. KAZINFORM &ndash; Soltústik Qazaqstan oblysynyń prokýrorlary veterınarııalyq qaýipsizdik salasynda zań buzýshylyqtardy anyqtady. Saldarynan iri qara maldyń brýtsellezben aýrýy úsh ese, úı janýarlarynyń ólimi shamamen 2 myń basqa artqan.&nbsp;</p>

SQO prokýratýrasynyń málimetinshe, ótken jyl jáne bıylǵy 9 aı boıynsha veterınarııalyq zańnamany saqtaý máselesi qaralǵan kezekti alqa otyrysy ótti. Jıynda iri qara maldyń brýtsellezben aýrýy 272-den 613-ke, al aýyl sharýashylyǵy janýarlarynyń ólimi byltyrǵy 11 519-dan bıyl 13 395 basqa deıin aıtarlyqtaı ósýine nazar aýdaryldy. 

Mal qorymdarynyń talapqa saı bolmaýy, jetkilikti mólsherde soıý pýnktteriniń salynbaýy alqa otyrysynda aıtyldy. Janýarlardy jalǵan vaktsınatsııalaý derekteri de anyqtalǵan. Sondaı-aq bir malǵa eki ret ekpe egýdiń 15 myń faktisi belgili boldy. Saldarynan bul zań buzýshylyqtar men kemshilikter oblys aýmaǵynda jaǵymsyz epızootııalyq jaǵdaıǵa alyp kelgen. 

Foto: SQO prokýratýrasy

«Janýarlarǵa jaýapkershilikpen qaraý týraly» QR Zańynyń qoldanysqa engizilýimen qańǵyrǵan ıtterdi atý praktıkasy toqtatyldy. Alaıda, veterınarlyq qyzmetter Zańda kózdelgen jumystyń jańa formatyn ázirlemegen. Saldarynan óńirde turǵyndardyń ómiri men densaýlyǵyna qaýip tóndirgen qańǵyrǵan ıtterdiń sany ósip otyr. 

Mamandardyń aıtýynsha, bıyl qańǵyrǵan ıtterden 350-den astam adam zardap shekken, onyń ishinde kámeletke tolmaǵandar da bar.

Otyrys qorytyndysy boıynsha oblys prokýrory ýákiletti memlekettik organdardan jyldan jylǵa qaıtalanatyn júıeli zań buzýshylyqtardy joıýdy talap etti, sondaı-aq sibir jarasynan ólgen mal qorymdaryn jónge keltirýdi, jańa soıý pýnktterin salý máselelerin sheshýdi tapsyrdy. 

Oblys ákimdigine óńirdegi epızootııalyq jaǵdaıdy jaqsartý úshin uzaq merzimdi óńirlik baǵdarlama ázirleý usynyldy. 

Buǵan deıin Petropavlda ótken táýlikte jaraqat alǵan 120 adamnyń dáriger kómegine júgingenin jazǵan edik.