SQO-da bir kúnde eki áıel sańyraýqulaqtan ýlanyp, aýrýhanaǵa tústi

<p>PETROPAVL. KAZINFORM &ndash; Petropavlda asqa sańyraýqulaqty qoldanǵan eki áıel qatty ýlanyp, ólim aýzynan qaldy. Olardyń bireýi áli de jansaqtaý bóliminde jatyr.</p>

Soltústik Qazaqstan oblysy densaýlyq saqtaý basqarmasynyń málimetinshe, eki oqıǵa da bir kúnde bolǵan, biraq bir-birine qatysy joq. 

Jeksenbi kúni Petropavl qalalyq kópbeıindi aýrýhanaǵa sańyraýqulaq jep, ýlandy degen dıagnozben 49 jastaǵy áıel túsken. 

Óte aýyr jaǵdaıda túsken qala turǵyny birden jansaqtaý bólimine jatqyzylyp, ókpeni jasandy jeldetý apparatyna qosyldy. Qazirgi kezde syrqattyń beti beri qarady. Ózdiginen demalǵanymen, jansaqtaý bóliminen shyǵarylǵan joq. 

Ekinshi áıel sol kúni keshqurym túsken. Onyń da jasy 49-da. Petropavl turǵyny terapııa bóliminde em qabyldap jatyr. Jaǵdaıy aýyr bolǵanymen, turaqty. 

Mamandar sańyraýqulaqty asqa paıdalanǵannan keıin ýlaný belgileri paıda bolǵan jaǵdaıda birden dárigerdiń kómegine júginýge keńes beredi.

Buǵan deıin SQO-da «Taza Qazaqstan» aktsııasyna «jasyl eldikterdiń» de qatysyp jatqanyn jazǵan edik.