SQO-da bir aı ishinde 10,3 myń adam JRVI-men aýyrǵan
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, qazannyń birinen bastap syrqattanǵandardyń 7 myńǵa jýyǵy nemese 66%-y – 14 jasqa deıingi bala.
«Bul – maýsymdyq syrqattaný. Aýyrǵandar sany aldyndaǵy aptamen salystyrǵanda azaıyp keledi. 11%-ǵa kemidi. Tumaý juqtyrǵanda dene qyzýy kenetten kóteriledi. Ádette qurǵaq jótel paıda bolyp, bas aýyrady, bulshyqet pen býyn syrqyraıdy, qatty álsizdik týyp, tamaq aýyrady, murynnan sý aǵady», - deıdi SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasov.
Mamannyń aıtýynsha, maýsymdyq vırýstyq ınfektsııalardan qorǵanýdyń bir joly – ekpe alý. Tumaýǵa qarsy vaktsına qoıdyrǵan jaǵdaıda dert asqynbaıdy, aýyrǵan jaǵdaıda jeńil ótedi.
Táýekel tobyna jatatyn turǵyndarǵa tegin ekpe salý úshin reseılik «Grıppol plıýs» vaktsınasynyń 60 myń dozasy óńirge satyp alyndy.
«Búginge deıin 43 myńǵa jýyq adamǵa vaktsına salyndy. Olar: medıtsına qyzmetkerleri, medıtsınalyq uıymda dıspanserlik esepte turǵan balalar, balalar úıleriniń tárbıelenýshileri, qarttar úıleriniń kontıngenti, epıdemıologııalyq kórsetkishter boıynsha 2-3 trımestrdegi júkti áıelder, sozylmaly aýrýlary bar adamdar, 65 jastan asqan adamdar jáne t.b. Tumaýǵa qarsy vaktsınatsııadan basqa, spetsıfıkalyq emes profılaktıkany nazardan tys qaldyrmaý kerek: múmkindiginshe adamdar kóp jınalatyn jerlerge barmaýǵa keńes beremin. Barǵan jaǵdaıda betperde kıip, áleýmettik qashyqtyqty jáne jeke gıgıena erejelerin saqtaý qajet. Qoldy jıi sabynmen jýǵan jón. Óıtkeni tumaý vırýsy aýa tamshylary arqyly ǵana emes, zattar arqyly las qolmen beriledi. Sonymen qatar ımmýnıtetti barlyq qoljetimdi tásilmen arttyrý kerek», - deıdi Arman Kúshbasov.
Buǵan deıin elimizde 5 myńǵa jýyq jetkinshek adam papılloma vırýsyna qarsy vaktsına alǵanyn jazǵan edik.