SQO-da bir aýyldyń 300-ge jýyq qoıy joǵalyp, bes kúnnen keıin tabyldy

<p>Soltústik Qazaqstan oblysynda Jarqyn aýyly turǵyndarynyń 300-ge jýyq qoıy joǵalyp, búgin eldi mekennen shamamen 6 shaqyrym jerden tabyldy, dep habarlaıdy <a href="Kazinform" target="_blank" rel="noopener">Kazinform</a>.</p>

SQO Tımırıazev aýdany Jarqyn aýylynyń turǵyndary 300-ge jýyq qoıynan 18 qarasha kúni aıyrylyp qalǵan. Dalada júrgen usaq mal sol kúni soqqan qatty borannan yǵyp ketken.

«Jarqyn aýylyndaǵy bir kósheniń qoıy. Boran bastalyp ketip, turǵyndar qoılaryn taba almaı qalǵan. Qazir jan-jaqqa habar berildi, bárimiz jabylyp izdedik. Polıtsııa kómektesti. Mine, jańada súıinshi habar tústi, qoılardy aýyl jigitteri taýyp, aıdap ákele jatyr. Eldi mekennen 6 shaqyrymǵa uzap ketipti», - deıdi Tımırıazev aýyldyq okrýginiń ákimi Talǵat Eslıamov.

12 qarasha kúni SQO Mamlıýt aýdanyndaǵy Koval aýylynan erkin jaıylymda júrgen 37 qoı joǵalyp ketken. Maldy ıeleri óz kúshimen izdegenimen esh nátıje bolmaǵan. Olar aýdandyq polıtsııa bólimine júginip kómek surady. Munda da qazirgi ýaqytta polıtsııa qyzmetkerlerinen, jergilikti turǵyndardan mobıldik toptar quryldy. Іzdeý júrip jatyr.

Joǵalǵan mal jaıynda qandaı da bir aqparat bolǵan jaǵdaıda, polıtsııanyń «102» arnasyna nemese Mamlıýt aýdanyndaǵy polıtsııanyń kezekshi bólimine 8 (71541) 2-15-51 nómirleri arqyly habarlasýǵa bolady.