Shyrsha saýdasy: SQO-da bir aptada 15 zań buzýshylyq anyqtaldy

<p>Soltústik Qazaqstan oblysynda polıtseıler men tabıǵatty qorǵaý organdary qyzmetkerlerinen quralǵan mobıldik toptar &laquo;Shyrsha&raquo; jedel-profılaktıkalyq is-sharasy aıasynda reıdter ótkizip jatyr, dep habarlaıdy <a href="Kazinform" target="_blank" rel="noopener">Kazinform.</a></p>

SQO polıtsııa departamenti baspasóz qyzmetiniń málimetinshe, mobıldik toptar qylqanjapyraqty aǵashtar ósetin jerlerdi ǵana emes, bazarlar men saýda oryndaryn da baqylaýǵa alǵan. 

«Bir qylqanjapyraqty aǵashty zańsyz kesý saldarynan memleketke shamamen 15 aılyq eseptik kórsetkish mólsherinde shyǵyn keledi. Bul - 53 100 teńge. Zańsyz aǵash keskenderge ákimshilik jaza bar. Eger keltirilgen shyǵyn 100 AEK-ten assa, qylmystyq jaýapkershilik qarastyrylǵan. SQO-da 11 aı ishinde aǵashtar men butalardy zańsyz kesý, zaqymdaý faktileri boıynsha 3 qylmystyq is qozǵaldy», - dedi tártip saqshylary. 

«Shyrsha» jedel-profılaktıkalyq is-sharasy jeltoqsan aıynyń ortasynda bastaldy. Bir apta ishinde mamandar zań buzýdyń 15 deregin anyqtady. Onyń barlyǵy qaraǵaı-shyrshany satýǵa qatysty. Satýshylarda taýarǵa ilespe qujattary - fıtosanıtarııalyq sertıfıkat jáne basqalary bolmaǵan. Keı jaǵdaılarda shyrsha jol jıekterinde, saýda júrgizýge bolmaıtyn oryndarda saýdalanǵan nemese saýda alańyn jaldaý sharty bolmaǵan. 

«Shyrsha» jedel-profılaktıkalyq is-sharasy 31 jeltoqsanǵa deıin jalǵasady.