SQO-da boıjetken sıntetıkalyq esirtkimen ustaldy
Boıjetken Petropavlda jaldamaly páterlerde turyp kelgen. Tártip saqshylaryna onyń esirtkini belgili oryndarǵa jasyryp, sodan paıda taýyp júrgeni jaıynda aqparat kelip túsken.
Jedel-izdestirý is-sharalary nátıjesinde ol ustaldy. Boıjetkennen untaq tektes zat salynǵan polımerlik paket alyndy. Saraptama ol zattyń salmaǵy 49 gramm bolatyn sıntetıkalyq esirtki - mefedron ekenin kórsetti, bul asa iri kólemge jatady. Bul 500-ge jýyq adamdy nashaqorlyqtyń toryna túsirýge jetkilikti mólsher.
Atalǵan fakti QR Qylmystyq kodeksiniń 297-baby 3-bóligi «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» boıynsha Sotqa deıingi tergep-tekserýdiń biryńǵaı tizilimine engizildi.
«Ustalǵan boıjetken qamaýǵa alyndy. Jalpy jyl basynan oblysta esirtkini satýǵa qatysty 49 derek tirkeldi. Zańsyz aınalymnan 383 kg túrli esirtki alyndy, onyń ishinde 1,548 kg sıntetıkalyq esirtki», - deıdi SQO Polıtsııa departamenti Esirtki qylmysyna qarsy is-qımyl basqarmasy bastyǵy Ivan Terzıdı.