SQO-da bilim berý salasynda 450-den astam laýazymdy tulǵa jazalandy

<p>PETROPAVL. KAZINFORM &ndash; Soltústik Qazaqstan oblysynyń prokýrorlary mektepter men balabaqshalardaǵy tekseristi aıaqtady. Qadaǵalaý organynyń aktileri boıynsha bilim berý uıymdarynyń 147 laýazymdy tulǵasy tártiptik jáne 316-sy ákimshilik jaýapkershilikke tartyldy.&nbsp;</p>

SQO prokýratýrasynyń málimetinshe, bıylǵy birinshi jartyjyldyqta qadaǵalaý organy balalardyń qaýipsizdigin qamtamasyz etý úshin oblystaǵy barlyq mektepke deıingi jáne orta bilim berý uıymdarynda tekserýler júrgizdi.

Nátıjesinde kámeletke tolmaǵandardyń quqyqtary men múddeleriniń óreskel buzylýy anyqtaldy, onyń ishinde mektep ákimshiliginiń qorqytý faktilerin jasyrýy bar. Sondaı-aq bilim berý uıymdarynda sanıtarlyq, órtke qarsy, aqparattyq qaýipsizdik jáne terrorızmge qarsy qaýipsizdik týraly zańnama talaptary saqtalmaǵan.

43 mln teńge bıýdjet qarajatynyń urlanýyna qatysty sotqa deıingi eki tergep-tekserý bastaldy, onyń 10 mln teńgesi bıýdjetke qaıtaryldy.

Prokýratýranyń bastamasymen tekseris nátıjesi boıynsha oblys ákiminiń birinshi orynbasary Marat Tasmaǵanbetovtiń qatysýymen vedomstvoaralyq keńes ótti. Jıynda anyqtalǵan zańbuzýshylyqtardy joıý sharalary men oryndaý merzimderi naqtylanyp, Jol kartasyn ázirleý týraly birlesken sheshim qabyldandy.

Bilim berý uıymdaryna anyqtalǵan kemshilikterdi jańa oqý jyly bastalǵanǵa deıin joıý mindeti qoıyldy.

Buǵan deıin SQO-da dárigerlerdiń bıyl terezeden qulap ketken 6 balany aman alyp qalǵanyn jazǵan edik.