SQO-da bıznes úshin elektr energııasy arzandady

<p>PETROPAVL. KAZINFORM &ndash; Soltústik Qazaqstan oblysynyń birqatar aýdanynda jáne Petropavlda kásipkerler úshin elektr qýaty arzandady. Jańa tarıf 1 maýsymnan bastap engiziledi.&nbsp;</p>

Tabıǵı monopolııalardy retteý komıtetiniń SQO boıynsha departamentiniń málimetinshe, «Sevkazenergosbyt» JShS zańdy tulǵalar úshin elektr energııasynyń 1 kVt/saǵatyna 27,87 teńgeden 25,88 teńgege deıin ıaǵnı 7,1%-ǵa tómendetip otyr. Bul qosymsha qun salyǵynsyz eseptelgen baǵa.

Baǵany tómendetýge QR Ulttyq ekonomıka mınıstrligi Tabıǵı monopolııalardy retteý komıtetiniń aýmaqtyq departamentteri rettelmeıtin energııamen jabdyqtaýshy uıymdardy elektr qýatymen jabdyqtaý jónindegi qyzmetterge lıtsenzııalardyń qoldanylýyn toqtatýy sebep bolǵan.

Bul jumysty Úkimet Memleket basshysynyń deldal uıymdardy, onyń ishinde tutynýshylardy elektrmen jabdyqtaýdaǵa tıimsiz deldaldardy joıý jónindegi tapsyrmasy aıasynda júrgizdi.
Tutynýshylardyń rettelmeıtin energııamen jabdyqtaýshy uıymdardan elektr energııasyn kepildi jetkizýshige - «Sevkazenergosbyt» JShS-ge aýysýy sońǵysynyń kórsetetin qyzmetteriniń kólemin ulǵaıtyp, tıisinshe baǵany tómendetýine áser etti.

Endi jańa tarıfke kóshý úshin buryn rettelmeıtin energııamen jabdyqtaýshy uıymdardyń qyzmetin paıdalanǵan Petropavl qalasynyń jáne Shal Aqyn, Aqqaıyń, M.Jumabaev, Qyzyljar, Mamlıýt, Esil, Jambyl, Tımırıazev aýdandarynyń bıznes ókilderi «Sevkazenergosbyt» JShS-men jedel túrde tıisti sharttar jasaýy qajet.

Buǵan deıin SQO-da tasqynda maly qyrylǵandar ótemaqy alyp jatqanyn jazǵan edik.