SQO-da bıylǵy jylytý maýsymynda 1 myńǵa jýyq órtke qarsy datchık qoıyldy
SQO tótenshe jaǵdaılar departamenti baspasóz qyzmetiniń málimetinshe, qys bastalǵaly órtten 4 adam kúıik alsa, 20-sy ýly gazdan ıis tıip, ýlanyp qalǵan.
Al kelgen materıaldyq shyǵyn 31 mln teńge, bul ótken jylmen salystyrǵanda 2,6 ese kóp.
Ótken aptada 14 órt tirkelip, 1 adam jaraqattandy.
«2 aqpan kúni Aıyrtaý aýdanyndaǵy Gornoe eldimekeninde saǵat 20.35 mınýt ketkende bir adamnyń kúıik alyp, órt shyqqany týraly habarlama tústi. Turǵyn turmystyq gaz ballonyn jańasyna aýystyryp, onyń redýktorynyń durys ornatylǵanyn sirińkemen teksermek bolǵan. Saldarynan gaz-aýa qosyndysy jarylǵan. Ushqyn edenge túsip, órt shyqqan. Der kezinde sóndirilip, jaıylýyna jol berilgen joq», - deıdi SQO TJD basqarmasynyń bastyǵy Dmıtrıı Rastıhın.
Úı ıesi 1972 jyly týǵan er adamnyń denesiniń 22 %-yn kúıik shaldy. Aýrýhanaǵa jatqyzylǵan turǵynnyń jaǵdaıy aýyr.
«Qarapaıym qaýipsizdik erejeleri týraly únemi aıtamyz, reıdter ótkizemiz. Qys bastalǵaly 46 myń úıdi araladyq. Turmysy tómen otbasylardy nazarda ustaımyz. Qazir bizdiń esebimizde 16 myń adam turatyn 4 220 mekenjaı bar. Bul úılerde 3 myńǵa jýyq olqylyq tabyldy. Olar eskertilip, jartysyna jýyǵy peshterin jónge keltirdi», - deıdi Dmıtrıı Rastıhın.
SQO-da jylytý maýsymy bastalǵaly órtke qarsy myńǵa jýyq datchık ornatyldy. Kelesi qysqa deıin taǵy 600-in qoıý josparda bar.