SQO-da bıyl jastar jasaqtary tek aýdandarda eńbek etedi
SQO-da «Jasyl el» baǵdarlamasyna qatysýǵa jastar onlaın túrde ótinish bere alady. Osy kúnge deıin 40-tan astam adamnan ótinish túsken.
«Bul jumys 13 sáýir kúni bastaldy. Ótinishterdi jáne qujattardyń kóshirmesin Google qujat arqyly, WhatsApp jelisi nemese elektrondy poshta arqyly jiberýge bolady. Jalpy 1 mamyrdan bastap jumys bastalýy qajet edi. Karantın bitetin bolsa, 15 mamyr iske kirisemiz. Al eger alynbasa, eńbek jasaqtarynyń jumysry keıinge shegeriledi», - deıdi SQO boıynsha «Jasyl el» jastar eńbek jasaqtary shtabynyń úılestirýshisi, «Bizben birge» qoǵamdyq qor tóraǵasynyń birinshi orynbasary Álisher Májıt.
Eńbek jasaqtaryna 16 men 28 jas aralyǵyndaǵylar qabyldanady. Bıyl kvota 665 adamǵa, ótken jylǵy mejede berilgen.
«Bıylǵy erekshelik – SQO «Jasyl el» eńbek jastarynyń shtaby bolyp alǵashqy jyl jumysqa kirisip jatyrmyz. Jastarymyz kógaldandyrý, abbattandyrý jáne tazalyq jumysyna tartylady. Eńbekaqylary jumys ornyna, kólemine jáne qıyndyǵyna baılanysty 35 myń men 80 myń teńge aralyǵynda. Taǵy bir erekshelik, jastardyń eńbek otrıadtary tek aýdandarda eńbek etedi. 50 % orman sharýashylyqtaryna jiberiledi. Olar bir aı nemese maýsym bitkenshe jumys isteı alady», - deıdi Álisher Májıt.
Jastar tıisti formamen tegin qamtylady. Jalpy «Jasyl el» baǵdarlamasyn júzege asyrýǵa bıyl oblystyq bıýdjetten 30 mln-ǵa jýyq teńge bólingen.