SQO-da bıyl orman sharýashylyqtaryna 212 mln teńgeniń tehnıkasy alyndy

PETROPAVL. QazAqparat – Soltústik Qazaqstan oblysynda orman sharýashylyǵy mekemeleriniń avtoparki bıyl 212 mln teńgeniń jańa tehnıkasymen tolyqty. Búgin 14 traktor, 5 patrýldik avtokólik pen órt sóndirý qondyrǵylary ormanshylarǵa saltanatty túrde tabystaldy, dep habarlaıdy QazAqparat tilshisi.

SQO ákimi baspasóz qyzmetiniń málimetinshe, jyl saıyn orman sharýashylyǵy mekemeleriniń parki jańa tehnıkamen tolyǵyp keledi. Sońǵy 3 jyl ishinde 207 mln teńgege 11 órt sóndirý mashınasy alyndy. Búgin ormanshylarǵa 212 mln teńgeniń jańa tehnıkasy tapsyryldy. Nátıjesinde avtopark 14 traktor, 5 patrýldik avtokólik jáne órt sóndirý qondyrǵylarymen tolyǵyp, tehnıkamen qamtamasyz etilý 14 %-ke ósti. Máselen órt sóndirý qondyrǵysy traktordyń artyna tirkeledi. Onyń kómegimen mashına júre almaıtyn jerge ótip, jalyndy aýyzdyqtaýǵa bolady.

«Bul jumystardyń barlyǵy ormandy saqtaýǵa jáne kóbeıtýge baǵyttalǵan. Sońǵy 5 jylda oblysta 16 mln aǵash otyrǵyzyldy. Bul kesilgen aǵashtardan eki ese kóp. Biz jumysty jalǵastyramyz. Aldaǵy 5 jylda oblysta 100 mln aǵash kóshetin egý josparda bar», - deıdi Qumar Aqsaqalov.