SQO-da bıyl mamandar jol sapasyn 108 ret tekserip, 77 olqylyqty anyqtady
«Jol aktıvteriniń ulttyq sapa ortalyǵy» RMK SQO fılıaly baspasóz qyzmetiniń málimetinshe, fılıal mamandary jergilikti atqarýshy memlekettik organdar jóndegen nysandardaǵy jumystar men materıaldardyń sapasyna iriktep saraptama júrgizý jóninde sharttar jasasty. Osyǵan oraı, jol qurylysy qyzǵan shaq – sáýir-maýsym aılary aralyǵynda fılıal qyzmetkerleri jalpyǵa ortaq paıdalanylatyn avtomobıl joldary men kóshelerdegi jumystar men materıaldardyń sapasyna saraptama jasaý maqsatynda 108 ınspektsııalyq tekseris júrgizdi.
«Inspektsııalyq tekserý nátıjesi boıynsha 77 olqylyq anyqtaldy, onyń 25-i – óreskel zańbuzýshylyq. Negizinen olqylyqtar men eskertýler kepildik merzimi bitpegen oblystyq joldarda jáne respýblıkalyq joldardyń kóktemgi-jazǵy kútimi boıynsha anyqtaldy.
Jalpy tekserilgen nysandarda iriktep saraptaý kezinde asfalt-beton jabynynyń shógýi, onyń kóldeneńinen jarylýy, jabynnyń qabyrshaqtanýy sekildi olqylyqtar anyqtaldy», - deıdi «Jol aktıvteriniń ulttyq sapa ortalyǵy» RMK SQO fılıaly dırektory Joldybaı Tentekov.
Osyndaı aqaýlar anyqtalǵan jaǵdaıda fılıal tapsyrys berýshilerge aqaýlar men olqylyqtardy joıý jóninde sharalar qabyldaý týraly nusqama hattar jiberedi.
«Sondaı-aq sáýir aıynan bastap maýsym aıynyń birinshi onkúndigi aralyǵynda jol-qurylys materıaldarynyń 262 synamasy iriktelip alyndy. Olardyń 72-si jol-qurylys materıaldarynyń normatıvtik-tehnıkalyq qujattar normalaryna sáıkes kelmeıdi. Negizinen sáıkessizdik aýyldyq okrýgterdiń kentishilik kóshelerinde jáne aýdandyq mańyzy bar avtojoldardaǵy jóndeý nysandarynda anyqtaldy», - deıdi fılıal dırektory.