SQO-da bıyl karantın rejımin buzǵandarǵa 2,3 mln teńge aıyppul salyndy

PETROPAVL. QazAqparat – Soltústik Qazaqstan oblysynda bıyl karantın rejımin buzǵan 48 adam ákimshilik jaýapkershilikke tartyldy, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamentiniń málimetinshe, óńirde tek aqpan aıynda 61 reıd júrgizilip, 364 nysan tekserilgen. Nátıjesinde Taıynsha aýdanynda ornalasqan 15 nysanda olqylyqtar anyqtalǵan. Al Aqjar, Shal aqyn, Ǵabıt Músirepov atyndaǵy aýdandarda jáne Petropavlda osy aıda bir ret te reıd ótpegen. Aqqaıyń aýdanynda – 2, Ýálıhanov aýdanynda 5 tekseris júrgizilgen.

«Petropavldyń jáne aýdandardyń ákimderi karantın shekteýleriniń saqtalýyn qadaǵalaıtyn monıtorıngtik toptardyń jumysyn jandandyrýy qajet. KVI juqtyrǵan naýqastardyń oqshaýlanyp, talaptardy oryndaýy da mańyzdy. Ashyq jobasy arqyly «Sary» mártebesi bar 12 adam anyqtaldy. «Qyzyl» mártebesi bar 48 adam anyqtalyp, ákimshilik jaýapkershilikke tartyldy. Olarǵa 2 mln 297 myń teńge aıyppul salyndy», - deıdi departament basshysy Áset Jumataev.

Qazirgi ýaqytta SQO-da 3111 nysan Ashyq boıynsha jumys istep jatyr.