SQO-da bıyl 620 ata-ana balasy úshin ákimshilik jaýapkershilikke tartyldy

PETROPAVL. QazAqparat – Soltústik Qazaqstan oblysynda jyl basynan beri 620 ata-ana balalary úshin, sonyń ishinde 40-y jasóspirimderdiń spırttik ishimdik ishkeni úshin jazalandy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 18 shildege qaraǵan túnde «Qaýipsiz jaz» aktsııasy aıasynda petropavldyq polıtseılerdiń nazaryna 13 jastaǵy eki jasóspirim tústi. Olar N.Nazarbaev kóshesinde eresekterdiń qaraýynsyz júrgen. Ata-analary «Kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy» boıynsha ákimshilik jaýapkershilikke tartyldy. Olarǵa eskertý berildi.

«ıÝvenaldy polıtsııa qyzmetkerleri jazǵy demalys kezinde kompıýterlik klýbtardy, dısko-barlardy, sonymen qatar, aýlalar men tuıyq kóshelerdi – túnde jasóspirimder kóp júretin oryndardy tekseredi. Osyndaı reıd barysynda kámeletke tolmaǵandardyń túngi ýaqytta júrýiniń osyndaı 7 deregi anyqtaldy. Eki kámeletke tolmaǵannyń alkogoldik ishimdik ishý faktisi tirkeldi. Sondaı-aq, turmysy nashar otbasylar da baqylaýǵa alynǵan. Balalar men jasóspirimderdiń túngi saǵat 23.00-den tańǵy 6.00-ge deıin kóshede eresektersiz júrýine bolmaıtynyn esterińizge salamyz», - deıdi Petropavl q. PB JPQ bóliminiń bastyǵy Rýstam Sadýlov.

Jyl basynan beri SQO-da 620 ata-ana ákimshilik jaýapkershilikke tartyldy. Olardyń ishinde 40-y – kámeletke tolmaǵandardyń spırttik ishimdikterdi ishkeni, 19-y – balalarynyń kóńil kóterý oryndarynda bolǵany, 426-sy turǵyn úıden tys jerde túngi ýaqytta bolǵany úshin jazalandy.