SQO-da bıyl 12 myń turǵyn baspanaly bolmaq

PETROPAVL. QazAqparat – Soltústik Qazaqstan oblysynda bıyl baspana salýǵa bıýdjetten 18,4 mlrd teńge bólindi. Bul ótken jylmen salystyrǵanda 1,5 esege kóp, dep habarlaıdy QazAqparat tilshisi.

SQO ákimi baspasóz qyzmetiniń málimetinshe, Petropavlda turǵyn úı qurylysy qarqyn alǵanymen, jańa nysandar qalanyń qazirgi shekarasynan shyqpaıdy. Jospar boıynsha jeke sektordaǵy eski úıler syrylyp, ornyna kóp qabatty baspanalar boı kóteredi. Bul – yńǵaıly, ári ekonomıkalyq jaǵynan tıimdi bolmaq. ıAǵnı qosymsha ınfraqurylym tartýdyń qajeti joq.

Mamandardyń aıtýynsha, qazir jeke sektor Petropavldyń jartysyna jýyǵyn alyp jatsa, onda qala turǵyndarynyń tek 20 % ǵana turady.

Bıýdjetten bólingen 18,4 mlrd teńge bıyl 300 myń sharshy metr baspanany turǵyzýǵa múmkindik bermek. 12 myń óńir turǵyny jańa qonysqa kóshedi. Jyl sońyna deıin 3 myń páter qoldanysqa berilse, onyń 625-in áleýmettik turǵyda az qamtylǵan otbasylar almaq.

«Páterlerdi bólý tártibi ashyq bolý kerek. Oǵan qoǵam ókilderin tartý qajet. Kelesi aptada «E-Petropavl» atty arnaıy qosymshany iske qosamyz. Nátıjesinde kezekte turǵan azamattar týraly aqparatty kórýge bolady», - dedi búgin ákimdik otyrysynda óńir basshysy Qumar Aqsaqalov.